Amosi 5:11 - Bhibhiliya Nya Guage

¹¹ Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Amosi 5:11 Iomraidhean Croise

Joba 20:19

kholu, a di tshanisa sisiwana a si hembulula, a wandra dzinyumba a ngamba dzi vbaha.

Isaya 16:10

Marembweni nya gunone gu mwalo gambe gutsaka ni mikulungwane nya gunengele; mwalo a gamago gambe dziuvha maphisoni. Nyi degudzide mikulungwane nya gutsake.

Ezekiyeli 26:12

Va na wandra dzithomba dzago, va phanga ni wugwewo wago, va na khungumula mabhiyo yago, va pfhungumulela ni dzinyumba dzago nya gumbure va dzi dzudzuga phwani, gumogo ni siwindri sago, mapulango ni ndzilo, vaya si rinya matini.

Ezekiyeli 34:21

Khu guralo, enu mu gurumedzide dzinvuta dzangu gu rindrividza khu hwambo ni magata, mu tshovha khu dzikeho idzo nyambana tshivba kala mu dzi dusa vbavbandze;

Hoseya 9:2

Aholu tirigu ya vbasithalatunu ni mafura ya miphongoloni gwanu, kha si na mi hodzisa, ni vbinyu nya yiphya kha mu na yi linga.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Amosi 2:6

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Israyeli, kha nyi na bweledza tsayiso. Kholu va ngu rengisa muthu nya gululame khu dzitsapawu, va rengisa muhamugi khu patwa nya silato.

Amosi 2:7

Va gu gandra hungo wa muhamugi gukhwatshi va gu gandra kudzudzwane nya mafu, va wegedza dzindzila dza vathu nya gurule. Babe ni gyanana va gu hengela nyamayi moyo, va nyenyezisa kharati lina langu nya guage.

Amosi 3:15

Nyi na khungumula nyumba ya vbagirametunu ni nyumba nya maronga, dzinyumba dzi mburisedwego khu magwaha nya dzindzofu dzi na fuviswa, gu na fuviswa gambe ni dzinyumba nya dzikhongolo, a ngu ganela Pfhumu Nungungulu.”

Amosi 3:9

Pwadzani esi umo nya dzinyumba nya wufumu dza Asidhodhi ni dzinyumba nya wufumu dza tigoni ga Egipito, mu va embela, khenu: Tombanani musigomoni sa Samariya, mu wona pfilupfilu nya yikhongolo yi guromo umomo, ni wughevenga yi guromo mabhiyoni gwaye.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 6:11

Kholu wona nya gukhuwe Pfhumu Nungungulu, a ngu rumela gukhuye nyumba nya yikhongolo yi na pfhungumudwe yi khala marumbi nyumba nya yidugwana yi pandreledwa yi khala malufa.

Amosi 6:12

Ina dzikavalu dzi ngu kodza gu tutuma musiwindrini, mwendro gulima khu dzimombe, gani? Khu ginani mu vbindrugedzago gululama gu khala nyongwa, ni handro nya gululame, wu khala wuhungu.

Amosi 8:4

Yingisani enu mu midzago vahamugi, mu mbembisa sisiwana sa mafuni,

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.

Mikeya 1:6

Khu guralo, nyi na gira gu Samariya a khala litala nya siwindri sa khabini, wulanga nya gu yale misimbo nya vhinya; siwindri saye si na thindriligela kovani, kala nyi tugula giseketelo gyaye.

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Mikeya 6:15

U na yala, aholu khu na nga vbwera; u na gamela dziolivha, aholu khu na tola mafura yakone; u na gamela dziuvha, aholu khu na sela vbinyu yakone.

Sofoniya 1:13

Khu guralo, dzithomba dzawe dzi na phangwa, dzinyumba dzawe dzi khungumuledwa. Va na vbaha dzinyumba, aholu kha va na lala umo, va na yala misimbo nya mihandro nya miuvha, aholu kha va na sela wadwa wakone.

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Malakiya 1:4

Ambari Edhomi a gukhuye: Litigo lathu li pfhungumudwe, aholu ethu hi na vbahedza marumbi; khu guralo, Pfhumu Nungungulu nya Tshivba Yatshavbo a ngu ganela kharati, khuye: Avo va na vbahedza, aholu eni nyi na ma khungumula; ambari Edhomi a gukhuye va na li rana litigo nyambana gukhodwa. Litigo lile Pfhumu Nungungulu a gorogidego khilo gikhati gyatshavbo.

Dhewuteronome 28:30

U na lowola nyamayi, aholu a ta lala ni mumbe mwama; u na vbaha nyumba, aholu gima khu na lala umo; u na lima lithembwe, aholu u si hodzi mihandro yakone.

Jakobe 2:6

Aholu, enu mwa gu nyenya sisiwana. Ina khandriso sitetema si mi sololago si mi yisani phathani muya lamudwa, gani?