Amosi 4:13 - Bhibhiliya Nya Guage

¹³ Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!

Amosi 4:13 Iomraidhean Croise

Joba 9:7

Uye a ganelago ni lidambo khuye li nga dugi, li mu yingisa; a sega ni dzinyeledzi dzi si wonegi.

Dzindzimo 135:7

Khuye a wusago mapfhi gukhugela mahegiso nya mafu; khuye a girago gulasa ni mabara, guwa ndzadzi; a tulela phuvbo yi duga khu gukhothedwani gwaye.

Dzindzimo 139:2

U ngu nyi pima gukhuga ni guema, khu hwindzo u ngu yiti mipimiso yangu.

Dzindzimo 147:18

A gu rumela magana yaye, siwindri nya mati sa gu nyiviliga; a wusa phuvbo yi furugedza khu tshivba, ma goga mati.

Dzindzimo 65:6

Uwe u ngu tiyisa sigomo, khu wugulu nya tshivba yago.

Ekisodha 10:22

Mosi a di khusedza mandza a nonedza ndzadzini, gidema nya guthise gi di fenengedza tigoni gwatshavbo ga Egipito, hugo phum, gipimo nya matshigu mararu.

Ekisodha 14:20

Li dita khala khu vbakari li hambanisa mabutho ya Vagipiti ni aya ya sanana sa Israyeli. Lipfhi li di gira gidema phuvbo mwedo, yimbe phuvbo, li gu wenengedza wutshigu. Khu guralo, ni wutshigu watshavbo kha ma dzi kodza gu hidzimelana vbafuvbi.

Isaya 40:12

Ina womo a pimidego mati ya linene khu gyandza gyaye, gani? Ni uye a pimidego ndrengelenge wa ndzadzini khu dzinyala dzaye? Khu mani a pimidego gitundruni kudzudzwane watshavbo nya mafu, ni gu pima sigomo ni sigomwana vbagikalotunu?

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Isaya 47:4

Lina la Mudzegisi wathu khu Pfhumu Nungungulu nya Tshivba Yatshavbo, Nyaguage wa Israyeli.

Isaya 48:2

Enu mu dzi ranago khu lina nya lidhoropa nya guage, mu sambanyago khu Nungungulu wa Israyeli, lina laye a gu uye Pfhumu Nungungulu nya Tshivba Yatshavbo.

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Jeremiya 10:13

A gu khusa lito laye, mati ma gu dzumadzuma, ma khugega mapfhi khu mahegiso nya litigo; ma veta mabara, yiwa ndzadzi, gu duga phuvbo khu wulangani yi khalago.

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Jeremiya 51:16

Khu libara nya lito laye, mati ma gu dzuma ndzadzini, gu khusega mapfhi khu mahegiso nya litigo, gwa gu lasa, ya guwa ndzadzi, gu khuga dziphuvbo khu malangani gwaye.

Jeremiya 51:19

Aholu Nungungulu wa Jakobe, kha fanani ni vanungungulu vovo, kholu uye khuye Muvangi nya silo satshavbo, Israyeli lihundzu nya thomba yaye, lina laye khuye Pfhumu Nungungulu nya Tshivba Yatshavbo.

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Dhaniyeli 2:30

Gasi avbo gwangu nyi tuledwe sihalo yoyu, nasi khu guti guvbindra vambe va vbanyago mafuni, ahihi; aholu gasi nyi kodza gu pwadzela mufumeli tshamuselo ni guti iso si dugeledego mapimoni gwago.

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Amosi 3:13

Olu, tulani dzindzeve mu yingisani esi, khu mahungu nya livelego la Jakobe, a ngu ganela Pfhumu Nungungulu nya Tshivba Yatshavbo.

Amosi 5:27

Khu guralo, nyi na mi yisa wugumbitunu tshatugo wa Dhamasiko, a ngu ganela Pfhumu, oyu lina laye a gu Nungungulu nya Tshivba Yatshavbo.

Amosi 5:8

Vbwetani uye a nga gira tshangano nya dzinyeledzi ni thandra nya masase; uye a vbindrugedzago gidema gi khala guwonegela nya dzimindrudzile, mihani gu vbindrugedza gu khala wutshigu, uye a ranago mati ya linene a ma guhula vbatshani nya mafu; lina laye khuye Pfhumu Nungungulu.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Amosi 8:9

Khu litshigu lolo, a ngu ganela Pfhumu Nungungulu, Lidambo li na pfola gu ngari vbakari nya mihani, tigoni gu na sivbala khu gidema gu ngari safa nya mihani.

Amosi 9:6

Nungungulu khuye a vbahago dzinyumba dzaye vbatshani Ndzadzini, a thawuludza ndzadzi yi fenengedza mafu, khuye a ranago mati nya linene a ma guhula vbatshani nya mafu. Lina laye khuye Pfhumu Nungungulu.

Mikeya 1:3

Kholu, wonani nya gukhenu Pfhumu Nungungulu a ngu duga khu wulangani gwaye. A na tshiga ata gimbila khu vbatshani nya sigomo sa mafuni.

Habhakuka 3:19

Pfhumu Nungungulu, khuye tshivba yangu ni guvbanyiswa gwangu, a na vbindrugedza migondro yangu yi fanana ni ya dziyisya, a na nyi gimbidzisa sigomoni gwangu. (Ga muthuledzeli umo nya sitendre sangu nya wutsendze.)

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Matewu 9:4

Aholu Jesu, na wonide maalakanyo yawe, a di va wudzisa, khuye: “Khu ginani mu khalago ni maalakanyo nya guvivbe kharato?

Johane 2:25

Kha nga vbweta gu embedzedwa mavbanyelo ya moyo ni moyo, kholu uye mune a di gu yiti myonyo yawe.

Johane 3:8

Phuvbo ya gu furugedza avbo yi gunago; uwe u gupwa ligwaha laye, aholu, u si guti umo yitago khumo, numo yiyago. Khidzo kharato vatshavbo va velegidwego khu Liphuvbo.”

Dhewuteronome 32:13

A di mu gira mu legalega musigomoni sa tigoni a mu hodzisa mihandro nya likhabi; a di mu ninga mu hodza wulombe wa mugiwindrini ni mafura nya guduge khu giwindrini nya gutiye,

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!