Amosi 4:12 - Bhibhiliya Nya Guage

¹² Khu guralo, nyi nga na gu gu tsayisa, uwe Israyeli! Kholu nyi na gu gira kharalo! Olu uwe Israyeli dzi dongisele, gasi u ta tshangana ni Nungungulu wago.

Amosi 4:12 Iomraidhean Croise

Isaya 32:11

Ndrendremelani enu vanyamayi mu dzipwago na mu khadzisegide; tshulani guambala gwanu, mu khala wumbwiri, mu ambala dzisaku siwununi gwanu.

Isaya 47:3

Dzitshoni dzago dzi na tugudwa, vathu va na wona wumbwiri wago; nyi na dzi phodzela nyamba tsetselela ni muthu moyo.

Isaya 64:2

Gufanana ni nilo gikhati wu thedwago dzikhuni nya gubange wu khondra, wu vilisa mati, gasi valala vago va kodza guti lina lago, kharati mayigo ma di hadza gu ndrendremela mbeli gwago!

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Ezekiyeli 13:5

Kha mwa tshikedzela malufa nya libhiyo, enu va na Israyeli gasi mu kodze gu dwana nyimbi litshiguni la Pfhumu Nungungulu.

Ezekiyeli 22:30

“Nyi vbwetide vbakari gwawe mwama moyo a nga vbahago mabhiyo, a nga emago a tiya mbeli gwangu a vhikela litigo leli, gasi nyi si li khungumuli, aholu kha nya mana ni moyo.

Hoseya 13:8

Gufanana ni gikankanka gi nga bedwago sanana saye, nyi na va mana nyi va vbadzulela. Nyi na fanana ni nghala nyi va vbadzulela avbo vbale kamwe, va na pferuledwa khu sirengo nya likhabi.

Amosi 2:14

Muthu nya mazambo kha na vbuluga, ambari muthu nya tshivba a na vbeledwa khu tshivba, ni ndrena kha yi na vbulugisa womi waye.

Matewu 24:44

Khu kharato, enu nenu khalani na mu dongide, kholu Mwamana wa Muthu anata gikhati mu na gumba gi lindrela.

Matewu 5:25

“Wa gu hongola ni nala wago pfhumutunu, zama gu mu khongotela na mu ngari ndzilani; a ngaya gu ningela ga mulamuli, mulamuli a gu ningela ga vanyakasane, vanyakasane vaya gu khothela pasoni.

Gutuledwa 3:3

Khu kharato dundruga mahungu u ma hakhidego ni gu mapwa. Ma landrise, u vbindrugedza mavbanyelo u wuya ga Nungungulu. Wamba gwadi nyi nata kha nga mbafa nu si giti gikhati nyi na gu gu vbohelago khigyo.