Amosi 4:11 - Bhibhiliya Nya Guage

¹¹ Nyi mbembiside va nya gukari va vbakari gwanu, kha nga idzo Nungungulu a nga mbembisago khidzo Sodhoma ni Ghomora, aholu enu nyi mi vbulugisani kha nga khuni yi duswago niloni wu khondrago; ambari khu guralo, enu kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 4:11 Iomraidhean Croise

Isaya 13:19

Bhabhiloni, oyu a gu mburi ga mifumo yatshavbo, lidhoropa nya matshandza ya Vakalidhiya ni wuzundzo wawe, li na fanana ni Sodhoma ni Ghomora, ayo Nungungulu a nga ma mbembisago.

Isaya 7:4

u naya mu embela, khuwe: Dzi wonele, rula! U nga thavi ambari gu vbela tshivba khu kotani nya sihalyana sivili si tuvigago wutshi; khu kotani nya likhulo la Rezimi gumogo ni la Siriya, ni la mwamana wa Remaliya.

Isaya 9:12

Vaasiriya khu Khugadambo, ni Vafilisitiya khu Pfoladambo; va di hama likana va midza Israyeli. Ambari khu guralo, likhulo laye kha la bosa gilo, ni libogo laye li nga thawulugide.

Jeremiya 23:14

Aholu vbakari ga vaprofeti va Jerusalema nya gu wona silo nya guthise ngudzu; va gu gira wuphuphulu gumogo ni malipha, va gu kutsedzela vale va girago guvivba, gasi va si digi guvivba gwawe; vatshavbo nya gu va wona va gu fanana ni Sodhoma, ni vavbanyi va Jerusalema, va gu fanana ni Ghomora.

Jeremiya 49:18

Gu na girega kha nga gu pfhungumudwa ga Sodhoma ni Ghomora, a ngu ganela Pfhumu Nungungulu; madhoropa ya vaakelane, mwalo ni moyo a na gu ya vbaha mule ambari ni uye nya guye luvela umo.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 50:40

Kha nga avbo Nungungulu a vbindrugedzidego khidzo Sodhoma ni Ghomora ni madhoropa ya vbafuvbyana mule, a ngu ganela Pfhumu Nungungulu, kharato nugo gu mwalo muthu a na khalago mule.

Ezekiyeli 24:13

Ndzilo yoyo khu mithumo yago nya gunyenyeze; eni nyi zamide gu gu agisa, aholu khwa dzina gu agiswa, uwe gima khu na agiswa gambe gunyenyeza gwago, na li si gu vbeli likhulo langu avbo gwago.

Hoseya 11:5

Kha va na bwelela gambe tigoni ga Egipito, aholu va na fumedwa khu Asiriya, kholu va nga bomba gu vbindrugedza mavbanyelo.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Amosi 4:6

Khu guralo, enu nenu nyi mi guhide magwaha madhoropani gwanu gwatshavbo, ni malangani gwanu gwatshavbo gu mwalo guhodza. Ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Agewu 2:17

Nyi mi bayiside khu libara, ni gukunela, khu maralala, ni tungu nyi ghohetela thumo watshavbo wa mandzani gwanu, aholu mwalo ni moyo vbakari gwanu a bweledego eno gwangu; a ngu ganela Pfhumu Nungungulu.

Zakariya 3:2

Ngilozi ya Pfhumu Nungungulu yi di embela Sathane, khiyo: “Pfhumu Nungungulu a na gu thele dzitshoni, uwe Sathane! Pfhumu Nungungulu a hathidego Jerusalema, a na gu tsayise uwe Sathane. Ina mwama yoyu khandri a gu fanana ni lihale li dusidwego niloni, gani?”

Varoma 9:29

Uye gambe Isaya a di phede khu gu ganela, khuye: “Nari gupwani Pfhumu nya Tshivba Yatshavbo kha nga hi tshiyela melego, na hi mbembide kha nga Sodhoma ni Ghomora.”

1 Vakorinto 3:15

Gasi wule thumo waye wu na tsagamago khu nilo, gima kha na hakha tshatshazelo. Uye wurumba waye a na vbanya, aholu kha nga muthu a vbindrago khu vbakari nya nilo.

Dhewuteronome 28:24

Pfhumu Nungungulu a na diga gu wisa ndzadzi tigoni gwago, a gu resela kudzudzwane ni nguma, esi si na gu thegela kala si gu mbembisa.

Dhewuteronome 29:23

Khu guralo, mayigo yoyo yatshavbo ma na wudzisa, khayo: Khu ginani Pfhumu Nungungulu a giridego esi tigoni momu? Khu gevbini givangelo gi nga wusago likhulo nya nga eli?

2 Pedro 2:6

Nungungulu mbembiside mayigo ya Sodhoma ni Ghomora, a ma pfhungumula khu nilo, kha nga giyeyedzo nya esi si na gu giregago ga ava va nya guvivbedwa khu myonyo.

Judha 1:23

vambe va vbanyiseni, mu va dusa niloni; gasi ava vambe, dzi woneleni, vengani ambari guambala gwawe gu kunedego khu gunavela gwawe nya gunyenyeze.

Judha 1:7

Gufanana ni Sodhoma ni Ghomora ni mambe madhoropa ya vbafuvbyana mule, avbo va nga dzi ningelago wubhayini ni ga gighoho nya gubhayane khu wama wawe, madhoropa yoyo, ma khade giwonelo ga vathu vatshavbo, ma gu mana tsayiso nya nilo nya gupindruge.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.