Amosi 4:1 - Bhibhiliya Nya Guage

¹ Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 4:1 Iomraidhean Croise

1 Dzipfhumu 16:24

A di renga gigomo gya Samariya ga Semeri khu dzitaleta dzimbili nya parata. A di vbaha lidhoropa mugigomoni momo, a li rana khuye Samariya, khu kotani nya lina la Semeri, a nga bani ari mune nya gigomo gyogyo.

Joba 20:19

kholu, a di tshanisa sisiwana a si hembulula, a wandra dzinyumba a ngamba dzi vbaha.

Joba 24:4

Va gu reda sisiwana si ndreya ndzilani, vahamugi vatshavbo va tigoni va thava vaya sihala.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 140:12

Pfhumu Nungungulu, nyi ngu dziti gukheni u ngu lamulela gisiwana, u ngu lulamisa mahungu ya ava va hamugago.

Dzindzimo 22:12

Nyi randredwe khu valala nya gutale, kha nga dzimombe nya tshivba dza tigoni ga Bhasani;

Mavingu 22:7

Gisiwana gya gufumedwa khu gitetema, ni uye a fiyarigo mangava, a gu khala khumbi ya mufiyarisi.

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Muhevbudzi 5:8

Wa gu tshuka u wona tigoni na gu tshaniswa sisiwana ni gu hambaniswa nayo, u nga samali kholu uye a gu khongolo a na ni mumbe vbatshani gwaye a mu kalavelago a gu khongolo guvbindra uye, vbatshani ga avo va vavili, womo gambe uye a khusegidego ngudzu gu va vbindra a va kalavelago nuyeavo.

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Isaya 5:8

Libango ga avo va hengeledzelago dzinyumba, avo va engedzelago marembwe gikhati gyatshavbo, kala va gu khala vamune nya malanga yatshavbo nya litigo.

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Jeremiya 50:11

Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 50:27

Songani khu matshari dzimombe dzaye dzatshavbo ni dzindrena dzaye; vatshavbo va na yiswe gusongwatunu; libango avbo gwawe! Kholu li vbohide litshigu ni gikhati nya tsayiso wawe.

Jeremiya 51:34

Nabhukodhonosori, mufumeli wa Bhabhiloni a nyi hodzide, bwelo khavbo a nyi gandredzela, a nyi gira nga kanvu nya liphanga, a nyi midza nga mwamilambo, a tadza gisusu gyaye khu silo sangu nya sadi, bwelo khavbo a nyi dzudzuga hwindzo.”

Jeremiya 6:6

Kholu Pfhumu Nungungulu nya Tshivba Yatshavbo a ngu ganela, khuye: Pilani matamo nya misimbo yawe mu gira khayo laba nya gu bhiye Jerusalema. Kholu eli lidhoropa nya malipha, li tadego khu wukanganyisi.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Ezekiyeli 18:12

A tshanisa sisiwana ni vahamugi, a gira wuvafa, a si bweledzi esi a fiyaridego. A khozela sifananiso ni gu gira mithumo nya guvivbe.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Ezekiyeli 22:29

Vathu va tigoni va gu gira dzihanyi ni wuvafa; va gutshanisa sisiwana ni vahamugi, ni gutshanisa valuveli, va si va ningi dzifanelo dzawe.

Ezekiyeli 22:7

Vbakari nya vathu vago, va ngu kanyisa vababe ni vamayi, va ngu tshanisa valuveli ni gu gira wudambane ga sigulungu ni vamalile.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Ezekiyeli 39:18

Mu na hodzani nyama nya dzindrena, ni gu sela novba wa vathangeli nya litigo, nya dzinvuta, nya dzihamba, nya dziphongo ni marole yatshavbo nya gunone ya Bhasani.

Joyele 3:3

Va kabanede vathu vangu khu gu gira nyatumbatumbane, va renga liphuphulu khu gyanana gimwegyo nya gikhwathana, va rengisa gyagadzyana khu vbinyu, gasi va sela.

Amosi 3:1

Upwani magana yaya Pfhumu Nungungulu a ganedego gwanu, enu va na Israyeli, ni ga lihundzu latshavbo leli a li dusidego khu tigoni ga Egipito wari khuye:

Amosi 3:3

Ina vathu vavili va ngu dzi kodza gu longoloka na va si pwanani, gani?

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Amosi 6:1

Libango ga avo va vbanyago Siyoni na va khadzisegide, va dzipwago na va tiyide gigomoni gya Samariya, vathu nya guthavisege vbakari nya mayigo nya guhegule, mayigo ma tumbwago khu va na Israyeli!

Amosi 6:6

Enu mu selago vbinyu khu mikanvu, mu tola mafura nya lisima, gambe kha mu khathali khu gumbembiswa ga Josefa.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Mitengo 21:33

Khavbo avbo, va di thendregedza va gwela khu ndzila ya Bhasani. Ogi, mufumeli wa Bhasani gumogo ni vathu vaye vatshavbo va di duga va va khinga gasi gu ta dwana navo tigoni ga Edhereyi.

Dhewuteronome 24:14

U nga sololi muthumegeli nya gisiwana ni muhamugi, ambari nari ndriyago mwendro muluveli a vbanyago tigoni gwago ni dhoropani gwago.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;