Amosi 3:8 - Bhibhiliya Nya Guage

⁸ Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Amosi 3:8 Iomraidhean Croise

Isaya 21:10

Enu vathu vangu, mu vbudwego kha nga tirigu vbagithalatunu! Eni nyi ngu mi embela esi nyi embedwego khu Pfhumu Nungungulu nya Tshivba Yatshavbo, Nungungulu wa Israyeli.

Isaya 31:4

Kholu Pfhumu Nungungulu a nyi embede kharati, khuye: Kha nga nghala ni ginghalana gyaye, si ngurangurago khu pfimba wawe, si si thavi ligwaha nya vahavisi khu gutala nya avo, yi si tutumi, yi thava khu kotani nya wungi nya avo, kharato nuye Pfhumu Nungungulu nya Tshivba Yatshavbo a na tshiga, gasi guta dwanela gigomo gya Siyoni ni gigomwana gyaye.

Jeremiya 20:9

Khavbo avbo, nyi di, kheni: “Kha nyi na mu alakanya gambe, ambari gu ganela gambe khu lina laye;” aholu isoso si di manega monyoni gwangu kha nga nilo wu dzurago na wu sihade maramboni gwangu; nyi ngu zama gu wu segela, aholu kha nyi yi mani ndzila.

Jeremiya 26:12

Jeremiya a di embela manganagana yatshavbo ni vathu vatshavbo, khuye: “Pfhumu Nungungulu a nyi rumede gu profeta khu mahungu nya nyumba yeyi ni lidhoropa leli, khu magana yatshavbo yaya mu ma pwidego.”

Ezekiyeli 29:21

“Khu litshigu lolo, nyi na wusa tshivba ya na Israyeli, nyi na gu embela magana u na ganelago nyamba kanakana vbakari gwawe; va na dziti gukhavo eni kheni Pfhumu Nungungulu.”

Amosi 1:2

Uye a di ganela, khuye: “Pfhumu Nungungulu a na bhonga khu Siyoni, a pwadza lito laye khu Jerusalema; gu manega gililo wuhaviseloni ga vahavisi, gubanga tshokatunu nya gigomo gya Karimelo.”

Amosi 2:12

Aholu enu mu ningide vbinyu vanaziri va sela vaprofeti mu va rumani, khenu: “Mu nga profeti.”

Amosi 3:4

Ina nghala yi ngu gungurangura khabini, ya sa mola pfimba, gani? Ginghalana gi ngu khusa lito phalani gwaye, gya sa mola gilo, gani?

Mithumo 4:20

Gasi ethu, kha hi dzi kodzi gumba pwadza vathuni iso hi nga si wonago ni gu sipwa.”

Mithumo 5:20

“Indrani Nyumbani ga Nungungulu mu ya tshumayela vathu khu mavbanyelo yaya nya maphya.”

Mithumo 5:29

Aholu, Pedro ni vapostoli va di hakha, khavo: “Hi fanede gu yingela Nungungulu guvbindra gu yingela vathu.

1 Vakorinto 9:16

Nyi mwalo fanelo nya gu dzi gire matshandza khu thumo nya gutivise Ivhangeli, kholu i fanelo yangu gu gira isoso. Khidzo, libango ga eni nyamba tivisa Ivhangeli!

Gutuledwa 5:5

Limwedo nya madhota yale li di nyi degudzela, khilo: “U nga lili; kholu Nghala nya lihundzu la Judha a gu Melego wa Dhavhidhe, yi pade, yi ngu kodza gu tula libhuku ni gu namula sifungo saye satshavbo nya livbandre na sivili.”