Amosi 3:3 - Bhibhiliya Nya Guage

³ Ina vathu vavili va ngu dzi kodza gu longoloka na va si pwanani, gani?

Amosi 3:3 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 5:22

Hwane nya gu na velegide Metusalema, Enoki vbanyide gipimo nya mazana mararu (300) myaga na gu landrisa gugola gwa Nungungulu, a di velega talo nya sanana nya vama ni vanyamayi.

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

Amosi 3:2

Ga mafumbo yatshavbo ya mafuni, nyi hathide enu basi; khu guralo, nyi na mi tsayisa khu kotani nya guvivba gwanu gwatshavbo.

Amosi 3:4

Ina nghala yi ngu gungurangura khabini, ya sa mola pfimba, gani? Ginghalana gi ngu khusa lito phalani gwaye, gya sa mola gilo, gani?

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.