Amosi 3:2 - Bhibhiliya Nya Guage

² Ga mafumbo yatshavbo ya mafuni, nyi hathide enu basi; khu guralo, nyi na mi tsayisa khu kotani nya guvivba gwanu gwatshavbo.

Amosi 3:2 Iomraidhean Croise

Genesi 10:32

Khuwo owu sasamedzo nya dzinyumba nya situgulwana sa Nowa, gukhedza khu linyangwa nya lihundzu ni lihundzu, mahundzu yatshavbo nya vathu va mafuni, hwane nya talo nya ndrambi, ma velegidwe ga dzinyumba dzedzi.

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Dzindzimo 147:19

A ngu sawutela mahungu yaye ga Jakobe, ni sileletelo ni milayo yaye ga na Israyeli.

Ekisodha 32:34

Olu, khuga u thangela vathu vangu, u va yisa iyo nyi nga gu leletelago iyo. Ngilozi yangu yi na thanga mbeli gwago. Aholu, litshigu nya guthethise, nyi na va tsayisa khu kotani nya sighoho sawe.”

Isaya 63:19

Hi khade kha nga vale va gu gima u si va fumeli, ni vale va gu gima va si gu ranwi khu lina lago.

Jeremiya 1:15

Khu guralo, nyi na ramba mahundzu yatshavbo nya mifumo ya Wuronga, a ngu ganela Pfhumu Nungungulu. Mufumo ni mufumo a nata vega gikhalo gyaye nya wufumu dzinyangwani ga Jerusalema, gasi gu wugela mabhiyo ma bhiyidego madhoropa yatshavbo ya Judha.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Jeremiya 11:22

Ina, Pfhumu Nungungulu nya Tshivba Yatshavbo a ngu ganela kharati, khuye: “Wonani, eni nyi na va tsayisa; madzaha ma na songwa khu litshari, ni sanana sawe nya sikhwathana ni sagadzyana si nafa khu ndzala.”

Jeremiya 13:21

U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 14:10

Khu kotani nya vathu vava, Pfhumu Nungungulu a ngu ganela kharati, khuye: “Kha nga va nga tsakelago guhambana ni eni, va gola gu legalega; khu guralo, Pfhumu Nungungulu kha tsakiswi khavo, a na va tsayisa khu gu alakanya sighoho sawe.”

Jeremiya 9:25

Pfhumu Nungungulu a ngu ganela, khuye, ma na vboha matshigu nyi na gu tsayisago satshavbo sithiva gumogo ni vale nyamba hana wugwera:

Ezekiyeli 5:9

Nyi na gu gira esi nya gu gima nyi si si giri, gambe kha nyi na si gira, khu kotani nya guvivbe gwago gwatshavbo.

Ezekiyeli 9:6

Songetelani sikhosane, madzaha ni dzimbiri, vanyamayi ni sanana. Aholu mu nga khuhi ni moyo nya vale va gu na ni gifungo. Phelani khu Wulangani gwangu nya Guage.” Khavbo avbo, avo va di phela khu vathangeli va nga bani vari mbeli nya Nyumba ya Nungungulu.

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Hoseya 5:3

Efrayimi nyi ngu muti; Israyeli nuye kha na nyi sihalela, kholu, olu, uwe Efrayimi u dzi ningedzede wubhayini, litigo la Israyeli li nyenyezide.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Amosi 3:3

Ina vathu vavili va ngu dzi kodza gu longoloka na va si pwanani, gani?

Amosi 6:1

Libango ga avo va vbanyago Siyoni na va khadzisegide, va dzipwago na va tiyide gigomoni gya Samariya, vathu nya guthavisege vbakari nya mayigo nya guhegule, mayigo ma tumbwago khu va na Israyeli!

Mikeya 2:3

Khu guralo, Pfhumu Nungungulu a ngu ganela kharati, khuye: “Wonani nya gukhenu nyi ngu luga makungo, gasi gu resa libango ga vathu vovo, ilo mu na gumba dzi kodza gu vbuluga ga ilo; gambe kha mu na gimbila khu matshandza, kholu gikhati gyogyo gi na bani gi vivbide.

Nahume 3:4

satshavbo sesi, sa gu girwa khu kotani ya Ninivha khu sighoho saye nya singi; liphuphulu leli nya wumburi, nya gugengele khu wuloyi, uye a rengisago mayigo khu wubhayi waye, ni mahundzu nya vathu, khu wuloyi waye.

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Varoma 2:9

Gu na manega gutshaniseka ni wuvi nya wukhongolo ga vathu vatshavbo va girago guvivba, guphela khu Vajudha kala ga va nya mayigo navo.

1 Vakorinto 8:3

Aholu, muthu a gu haladza Nungungulu, Nungungulu nuye a na mu muti.

Dhewuteronome 10:15

Aholu Pfhumu Nungungulu a di tangadziswa khu vababe vago, a va gola, bwelo khavbo a hatha enu sanana sawe vbakari nya mafumbu yatshavbo nya mambe mayigo, kha nga idzo mu dzi wonago khidzo muhuno.

Dhewuteronome 26:18

Uye, nuye muhuno Pfhumu Nungungulu, tiyiside khuye, enu mu vathu mu lumbago uye basi, Uye a ngu mi ruma gukhuye mu fanede gu sayisa milayo yaye yatshavbo.

Dhewuteronome 32:9

Gipandre gya Pfhumu Nungungulu, khu vathu vaye, Jakobe khuye gipandre nya thomba yaye.

Dhewuteronome 4:32

Khu guralo, olu wudzisa ga gikhati gi vbindridego, gile gi gu thangedego, gukhugela litshigu Nungungulu a vangidego muthu mafuni, gukhugela mahegiso nya ndzadzi kala mambe mahegiso, ina gu di nga manega gilo nya gufanane mwendro muthu a nga pwago gilo nya nga egi, gani?

Dhewuteronome 7:6

Kholu enu mu vathu va agisedwego Pfhumu Nungungulu wago. Pfhumu Nungungulu wago, a mi hathide gasi mu khala vathu vaye, vbakari nya mafumbu yatshavbo ma guromo mafuni.

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?