Amosi 3:12 - Bhibhiliya Nya Guage

¹² Pfhumu Nungungulu a ngu ganela gambe kharati, khuye: “Kha nga muhavisi a vbulugisago mawundru mavili nya nvuta mwendro gipandre gimwegyo nya ndzeve kanani nya nghala, kharato nugo va na vbulugisa guralo sanana sa Israyeli, va vbanyago tigoni ga Samariya, va khadego havo ghagha vbatshani nya masofa nya seda.

Amosi 3:12 Iomraidhean Croise

1 Dzipfhumu 20:30

Avo va nga vbulugago va di tutumela dhoropani ga Afeka, aholu libhiyo li di thega vbatshani nya ava nya magumavili na livbandre na mavili magumi mazana (27.000) Vaasiriya, li va pfara vafa. Khavbo avbo, Bheni-Hadhadhi a di thava aya dhoropani aya sihala makhuvini nya dzinyumba.

1 Dzipfhumu 20:34

Bheni-Hadhadhi a di mu embela, khuye: “Nyi na bweledza gwago madhoropa ma wandridwego ga babe wago khu babe wangu, gu diga isoso, u na vega wulanga nya wugwewo wago dhoropani ga Dhamasiko, kha nga babe wangu a nga bani nari nawo dhoropani ga Samariya.” Akabi a di phindrula, khuye: “Ha gu gira gidzumeledzwano gyogyo, eni nyi na gu diga u hongola.” Akabi a di gira gidzumeledzwano naye a mu diga a hongola.

1 Dzipfhumu 22:25

Mikeya a di mu hakha, khuye: “U na li wona wabune, litshigu u na gu dugago khu makhuvini, gasi u ya sihala ga mambe makhuvi.”

2 Dzipfhumu 16:9

Mufumeli wa Asiriya a di mu yingisa, a gwela aya dwana ni Dhamasiko, a li wandra, a mola vathu vakone a va gira dzikhumbi, a va yisa Khiri, a songa Rezimi.

Dzindzimo 132:3

“Kha nyi na bela nyumbani gwangu nyi vbanyago umo, ambari gu lita vbadawutunu nyi hefemulago avbo,

Isaya 17:7

Khu litshigu lolo, muthu a na khedza Muvangi waye, maho yaye ma na khedza Nyaguage wa Israyeli.

Isaya 31:4

Kholu Pfhumu Nungungulu a nyi embede kharati, khuye: Kha nga nghala ni ginghalana gyaye, si ngurangurago khu pfimba wawe, si si thavi ligwaha nya vahavisi khu gutala nya avo, yi si tutumi, yi thava khu kotani nya wungi nya avo, kharato nuye Pfhumu Nungungulu nya Tshivba Yatshavbo a na tshiga, gasi guta dwanela gigomo gya Siyoni ni gigomwana gyaye.

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Amosi 6:4

Enu mu lalago malawuni nya gugirwe khu magwaha nya ndzofu, mu dzi ghwimba umo nya masofa yaye, mu hodzani sinvutana nya tshambi ni simombyana nya gunone sa mavbandroni,

Amosi 9:8

Wonani nya gukhenu maho ya Pfhumu Nungungulu, ma ngu wugela mufumo yoyu nya gighohi. Nyi na wu mbembisa wu fuva mafuni; aholu kha nyi na mbembisa muphelo livelego la Jakobe,” a ngu ganela Pfhumu Nungungulu.