Amosi 3:10 - Bhibhiliya Nya Guage

¹⁰ Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Amosi 3:10 Iomraidhean Croise

Joba 20:21

Gimwalo ni gimwegyo gi nga bani gi vbindra nyamba gi wandra, khu guralo, gughanya gwaye kha gu naya hwindzo.

Dzindzimo 14:4

Ina va nya guvivba vatshavbo kha va pimi gilo, gani? Va gu tsagudzela vathu vangu, nga khwatshi va gu hodza gibaba, nyamba rana lina la Pfhumu Nungungulu.

Mavingu 1:13

Hi na mana satshavbo nya sadi hi si vbwetago, hi tadza dzinyumba dzathu khiso nya guphangwe,

Mavingu 11:16

Nyamayi nya ndruda, a gu mana wuzundzo, aholu vama nya mithumo, va gu mana dzithomba.

Mavingu 28:5

Vathu nya guvivbedwe khu myonyo kha va siti iso nya gululame, aholu avo va vbwetago Pfhumu Nungungulu, va nguti silo satshavbo.

Muhevbudzi 4:1

Nyi di engedza nyi wona idzo va tshanisanago khidzo vathu omu mafuni; ni marongo ya vale va tshaniswago, na guri mwalo ni moyo nya gu va tangadzise. Vatshanisi vawe va di va wugela, aholu avo va diri mwalo muvhikeli.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:4

Aholu eni nyi di alakanya gukheni: Avo sisiwana basi; sipumbu, kha va yiti ndzila ya Pfhumu Nungungulu; niso si godwago khu Nungungulu wawe.

Ezekiyeli 18:7

Kha tshanisi muthu, gambe a gu bweledza iso a dzegidego khu gu fiyari, khabi savane, gambe a gu ninga guhodza vandzale, a ninga guambala vale va gu ni wuhagadzo.

Ezekiyeli 22:29

Vathu va tigoni va gu gira dzihanyi ni wuvafa; va gutshanisa sisiwana ni vahamugi, ni gutshanisa valuveli, va si va ningi dzifanelo dzawe.

Ezekiyeli 8:17

Khavbo avbo, uye a di nyi embela, khuye: “Mwamana wa muthu, u si wone isoso, gani? Ina silo nya nga isoso, si vbevbugide ga va na Judha gu gira silo nya manyala nya nga esi, gani? Khandri va gu nyi gorosa? Wona! Avo va gu hidzimisa litamo vbafuvbi ni dzithonvu dzawe!

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 5:7

Enu mu vbindrugedzago lisine li khala wuhungu, gululama mu gu vbaladza vbavbatshi.

Amosi 6:12

Ina dzikavalu dzi ngu kodza gu tutuma musiwindrini, mwendro gulima khu dzimombe, gani? Khu ginani mu vbindrugedzago gululama gu khala nyongwa, ni handro nya gululame, wu khala wuhungu.

Amosi 6:3

Enu mu pimisago gukhenu mwa gu ndreya ga litshigu nya guvivbe, gasi mwa gu hidzimela vbafuvbi ni wulanga nya tshanisa.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Mikeya 6:10

Ina yi nga gu simama thomba nya gunyenyeze ni pimo nya guvbungudwe ndrangani ga muthu nya guvivbedwe khu monyo, gani?

Sofoniya 1:9

Litshigu lolo, nyi na tsayisa gambe, vatshavbo vale va gandrago nvunvuri, wa vanungungulu nya malipha, va tadzago nyumba ya mune wawe, khu silo nya wuvafa va phangago khu dzihanyi ni wudambane.

2 Pedro 3:5

Vapoyili vovo va gu hangwa khu gukhavo matshigu ya gale, Nungungulu a di ganela, guvangwa ndzadzi ni mafu. Litigo li di duswa khu matini, li gu wumbwa vbakari nya mati khu lito la Nungungulu.