Amosi 2:8 - Bhibhiliya Nya Guage

⁸ Va gu lala bambe nya giluvelo ni giluvelo vbatshani guambala va wandredego va nya mangava navo. Nyumbani gwa vanungungulu vawe, va gu sela vbinyu ya vale va livbisidwego khu mangava.

Amosi 2:8 Iomraidhean Croise

Ekisodha 22:25

Wa gu lombisa dzitsapawu moyo nya gisiwana a lumbago vathu vangu u vbanyago naye u nga giri khu gu mu livbisa bhindzu, u nga lombisi khu gufela gukhuwe dzi velegele.

Isaya 57:7

Wa gu ladza lidawu lago sigomoni nya gulaphe; u gwela iyo guya gira miphaso nya dzimhamba.

Ezekiyeli 18:12

A tshanisa sisiwana ni vahamugi, a gira wuvafa, a si bweledzi esi a fiyaridego. A khozela sifananiso ni gu gira mithumo nya guvivbe.

Ezekiyeli 18:7

Kha tshanisi muthu, gambe a gu bweledza iso a dzegidego khu gu fiyari, khabi savane, gambe a gu ninga guhodza vandzale, a ninga guambala vale va gu ni wuhagadzo.

Ezekiyeli 23:41

Uwe u khade vbagikhalotunu nya masofa, mbeli gwagyo gu nga bani gu dongisedwe meza, u vegide libani ni mafura si nga bani si nyi lumba.

Hoseya 4:8

Avo va gu hodza khu sighoho sa vathu vangu, va gu gola ngudzu wuvivbi wawe.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 6:4

Enu mu lalago malawuni nya gugirwe khu magwaha nya ndzofu, mu dzi ghwimba umo nya masofa yaye, mu hodzani sinvutana nya tshambi ni simombyana nya gunone sa mavbandroni,

Amosi 6:6

Enu mu selago vbinyu khu mikanvu, mu tola mafura nya lisima, gambe kha mu khathali khu gumbembiswa ga Josefa.

1 Vakorinto 10:21

Enu kha mu dzi kodzi gu sela gikombe nya phaso wa Pfhumu, mu wuya khavbo muta sela gambe gikombe nya miphaso nya vanungungulu nya malipha. Kha mu dzi kodzi gu hodza mbiyani nya Mhamba ya Pfhumu, mu wuya khavbo mu hodza gambe mbiyani nya dzimhamba nya vanungungulu nya malipha.

1 Vakorinto 10:7

Mu nga khozelini sithombe nya vanungungulu nya malipha kha nga vambe vababe va nga si khozelago, kha nga gu lovidwego omu nya Milowo nya Guage, gupwani: “Vathu va di khala vbavbatshi va hodza ni gu sela, va khuga va hana.”

1 Vakorinto 8:10

Uwe u gu ni guti, wa gu wonwa khu oyu a sa tiyago nu khade vbaguhodzatunu mu ginyumbanani nya githombe nya nungungulu nya malipha, ina muthu yoyo kha na nga dzipwa na tiyisidwe guhodza silo nya guphasedwe dzinguluve, gani?

Valamuli 9:27

Va di duga va hongola mahangeni gwawe vaya havela dziuvha, va dzi gamela va gira wadwa; va di gira mibuzo nya gunengele. Va bela nyumbani ga nungungulu wawe, va hodza, va sela, va hembulula Abhimeleki.