Amosi 2:7 - Bhibhiliya Nya Guage

⁷ Va gu gandra hungo wa muhamugi gukhwatshi va gu gandra kudzudzwane nya mafu, va wegedza dzindzila dza vathu nya gurule. Babe ni gyanana va gu hengela nyamayi moyo, va nyenyezisa kharati lina langu nya guage.

Amosi 2:7 Iomraidhean Croise

2 Samuweli 12:14

Aholu kha nga u gorosidego Nungungulu khu iso u giridego, khu lisine mwamana a gu velegedego a nafa.

1 Dzipfhumu 21:4

Khavbo avbo, Akabi a di bwelela gaya gwaye na vbisegide ngudzu khu kotani nya magana a nga embedwago khu Nabhoti wa Jezireyeli, a nga khuye: “Gima kha nyi na gu ninga thomba ya vababe vangu.” A diya lala vbadawutunu gwaye, a thendregedza khovbe yaye, a khedza ndzaritunu, a si vbweti gu hodza gilo.

Mavingu 28:21

Khandri gwadi gukhedza khu khovbe nya muthu, kholu khu gipandrenyana nya guhodza, muthu a ngu dzi kodza gu hambanisa nayo.

Isaya 10:1

Libango ga vale va emisago milayo nyambasi yadi, avo va lovago milayo nya gutshanise,

Isaya 10:2

gasi gu tsulupetela dzifanelo nya sisiwana, va bela sisiwana sa tigoni gwangu, gasi dzinoni dzi khala pfimba wawe, va phanga avo va fedwego khu vavelegi!

Isaya 3:14

Pfhumu Nungungulu a nguta lamula madhota ya tigoni gwaye, gumogo ni vathangeli va vathu vaye, kholu, khenu mu ghohetedego lithembwe leli, mu tadzide dzinyumba dzanu khiso mu nga bela sisiwana.

Isaya 3:15

Gasi ginani mu gi vbwetago khu gu tshanisa vathu vangu, olu mu gandredzelago vbavbatshi sisiwana? A ngu wudzisa Mune, Pfhumu Nungungulu nya Tshivba Yatshavbo.

Ezekiyeli 22:11

Moyo nya avo a ngu bhaya ni mwangadzi wa muakelane waye, mumbe a gira guvivba ni ngadzamwane waye, vambe va gurumedza gu hengela malawu ni ndriyaye nya nyamahegyane, gyanana gya babe waye.

Ezekiyeli 36:20

Ga mayigo va vbindridego khumo, avo va di ya nyenyezisa lina langu nya guage, khu guralo, va di gu ganela mayelano khu avo, khavo: Ava vathu va Pfhumu Nungungulu, avo va dusidwe khu ga litigo va ningidwego.

Hoseya 4:14

Eni kha nyi na tsayisa vanyamahegyane vanu khu kotani nya wuphuphulu, ambari vagadzamwane vanu khu gu gira wubhayi, kholu vama navo va guya ga maphuphulu, vaya hengela gu gira miphaso ni vanyamayi nya maphuphulu. Kholu vathu nyambana mapimo, va na mbembiswa.

Levhi 18:15

U nga fununguli wumbwiri wa ngadzamwane wago, kholu i mwangadzi wa gyanana gyago, u nga mu fununguli wumbwiri waye.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Levhi 18:8

U nga fununguli wumbwiri wa mwangadzi wa babe wago; kholu wumbwiri wa babe wago.

Levhi 20:3

Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Amosi 5:12

Kholu nyi ngu guti guvivba gwanu gukheni gungi, ni sihoso sanu si tade; enu mwa gu tshanisa muthu nya gululame, mu dzumela gu rengeledwa, mu hembulula vahamugi miphathani.

Amosi 8:4

Yingisani enu mu midzago vahamugi, mu mbembisa sisiwana sa mafuni,

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Mikeya 2:9

Mu tutumisa vagadzi va vathu vangu mapangoni gwawe va ma golago, mu luziside muphelo wuzundzo wangu ga sanana sawe.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Varoma 2:24

Khidzo kharati, Milowo nya Guage, yi gu, khiyo: “Lina la Nungungulu li ngu vadwa vbakari nya va nya mayigo khu kotani yanu.”

1 Vakorinto 5:1

Gu pwade ndruma khu mahungu nya wubhayi wu guromo vbakari gwanu, wubhayi nya guthise wu si tidwigo ambari khu va nya mayigo; gupwani moyo wanu dzegide mwangadzi wa babe waye.