Amosi 2:1 - Bhibhiliya Nya Guage

¹ Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Mowabhi kha nyi na bweledza tsayiso, kholu vbiside marambo ya mufumeli wa Edhomi kala ma khala nguma.

Amosi 2:1 Iomraidhean Croise

2 Dzipfhumu 3:9

Khu guralo, va di khuga vafumeli va vavili, wa na Israyeli ni wa na Judha gumogo ni mufumeli wa Edhomi; va di gimbila pfhuka nya livbandre na mavili matshigu, gu di hamugega mati nya gusele masotshwa ni sifuyo va nga bani na vari naso.

Mavingu 15:3

Maho ya Pfhumu Nungungulu momo malangani yatshavbo, a khedza va nya guvivbedwa khu monyo ni va nya gululama.

Isaya 11:14

Mayigo ya mavili ma na wugela Vafilisitiya va Muhwadambo; ma na hongola gumogo ma ya phanga vathu va Khugadambo; ma na dwanisa Vaedhomi ni Vamowabhi, sanana sa Amoni si na khala sithumi sawe.

Isaya 16:6

Hi pwide na gu ganedwa khu matshandza ya Mowabhi, gu dzi khusedza gwaye ni gigaha gyaye; gambe gu ghwira gwaye khwa mahala.

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Jeremiya 25:21

va Edhomi wa Mowabhi ni ga sanana sa Amoni;

Amosi 1:11

Pfhumu Nungungulu a ngu ganela kharati, khuye: Khu kotani nya sighoho siraru mwendro sina sa Edhomi, kha nyi na bweledza tsayiso, kholu lundride ndriyaye khu litshari, a mu tshanisa nyamba mu pwela wusiwana, a simama gu khala ni giviti khuye gikhati gyatshavbo.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Amosi 1:3

Pfhumu Nungungulu a ngu ganela kharati, khuye: “Khu kotani nya sighoho siraru sa Dhamasiko mwendro sina, kha nyi na bweledza tsayiso, kholu va khothede Gileyadhi, va mu gonya khu migonyo nya dzisimbi.

Amosi 1:6

Pfhumu Nungungulu a ngu ganela kharati, khuye: “Khu kotani nya sighoho siraru sa Gaza mwendro sina, kha nyi na bweledza tsayiso, kholu va dzegide vathu va va yisa wugumbini, gasi vaya va rengisa ga Edhomi.

Amosi 1:9

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Tiro, kha nyi na bweledza tsayiso, kholu yiside gidzemo nya vathu wugumbini aya va rengisa ga Edhomi, nyamba alakanya gidzumeledzwano nya wundruye.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Amosi 2:6

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Israyeli, kha nyi na bweledza tsayiso. Kholu va ngu rengisa muthu nya gululame khu dzitsapawu, va rengisa muhamugi khu patwa nya silato.

Mikeya 6:5

Vathu vangu, alakanyani esi Bhalaki, mufumeli wa Mowabhi a lombidego, ni esi Bhalahama, mwamana wa Bheyori a mu phindrudego. Alakanyani lipfhumba nyi mi giredego gukhugela Sitimi kala Giligali, tugula gukhuwe mithumo ya Pfhumu Nungungulu yi lulamide.