Amosi 1:7 - Bhibhiliya Nya Guage

⁷ Khu guralo, nyi na rotha nilo mabhiyoni ya Gaza, wu vbisa dzinyumba nya wufumu.

Amosi 1:7 Iomraidhean Croise

2 Dzipfhumu 18:8

Uye a di sasela Vafilistiya kala Gaza ni litigo lakone, gukhugela ga dzinyumba nya vawoneleli kala dhoropani nya likhokhola.

2 Dzikoronika 26:6

Avbo a nga khuga aya dwana ni Vafilisitiya, a di ya khungumula likhokhola la Gati ni likhokhola la Jabini, ni likhokhola la Asidhodhi; khavbo avbo, a di vbaha madhoropa tigoni ga Asidhodhi ni ga Vafilisitiya.

Jeremiya 47:1

Aya khu magana Pfhumu Nungungulu a ma tivisidego ga muprofeti Jeremiya, khu kotani ya Vafilisitiya, Faro nasi gu saseli lidhoropa la Gaza.

Jeremiya 47:5

Vavbanyi va dhoropani ga Gaza va gayide ndzudzu, Asikalomi mwalo lito, mbembide gumogo ni mitshaledwa ya kovani gwaye. Kala lini nu ngu dzi hendrelela givili gyago?

Ezekiyeli 30:8

Va na dziti gukhavo eni kheni Pfhumu Nungungulu, avbo nyi na vbisago Egipito khu nilo, ni gikhati va na gu mbembiswago vatshavbo vale va nga bani na va gu mu phasedzela.

Ezekiyeli 39:6

Nyi na rumela nilo ga va na Magogi ni ga vale va vbanyago gurulani umo nya sidwa sa linene; khavbo va na dzitigo gukhavo eni kheni Pfhumu Nungungulu.

Amosi 1:4

Khu guralo, nyi na rotha nilo ndrangani ga Hazayeli, wu na gu vbisago makhokhola ya Bheni-Hadhadhi

Amosi 1:6

Pfhumu Nungungulu a ngu ganela kharati, khuye: “Khu kotani nya sighoho siraru sa Gaza mwendro sina, kha nyi na bweledza tsayiso, kholu va dzegide vathu va va yisa wugumbini, gasi vaya va rengisa ga Edhomi.

Amosi 1:8

Nyi na mbembisa vavbanyi va Asidhodhi, ni wule a pharidego ndronga nya wufumu wa Asikaloni. Nyi thawuludza gyandza gyangu nyi veta Ekoroni, kala gufa ni yatshavbo mitshaledwa nya Vafilisitiya, a ngu ganela Pfhumu Nungungulu.

Sofoniya 2:4

Kholu lidhoropa la Gaza li na khala giwula, eli la Asikaloni, li na khala marumbi; Asidhodhi, gu na phangwa vbakari nya mihani, vathu va Ekoroni va na vbagedwa.

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.