Amosi 1:3 - Bhibhiliya Nya Guage

³ Pfhumu Nungungulu a ngu ganela kharati, khuye: “Khu kotani nya sighoho siraru sa Dhamasiko mwendro sina, kha nyi na bweledza tsayiso, kholu va khothede Gileyadhi, va mu gonya khu migonyo nya dzisimbi.

Amosi 1:3 Iomraidhean Croise

1 Dzipfhumu 19:17

Vathu va na vbulugago gu songwa khu Hazayeli, va na songwa khu Jewu, ni vatshavbo va na vbulugago gu songwa khu Jewu, va na songwa khu Elizewu.

2 Dzipfhumu 13:3

Khu guralo, likhulo la Pfhumu Nungungulu li di khondrela va na Israyeli, a va ningela mandzani ga Hazayeli, mufumeli wa Siriya ni mandzani ga Bheni-Hadhadhi, mwamana wa Hazayeli, matshiguni yale yatshavbo.

2 Dzipfhumu 13:7

Kholu Jeyowakazi a diri mwalo gambe vathu nya vangi, a di tshala basi ni livbandre magumi vakhileli nya dzikavalu ni likhumi dzikareta, ni gikwata nya likhumi magumi mazana (10.000) vama basi, kholu mufumeli wa Siriya a di mbembiside va na Israyeli, a va gira gukhwatshi i kudzudzwane wu gandredzedwago.

2 Dzipfhumu 16:9

Mufumeli wa Asiriya a di mu yingisa, a gwela aya dwana ni Dhamasiko, a li wandra, a mola vathu vakone a va gira dzikhumbi, a va yisa Khiri, a songa Rezimi.

2 Dzipfhumu 8:12

Khavbo avbo, Hazayeli, a di mu embela, khuye: “Mune wangu, khu ginani u lilago?” Uye a di mu hakha, khuye: “Kholu nyi ngu dziti gukheni u na girela guvivba va na Israyeli, u va vbisela makhokhola yawe, ni gu songa madzaha yawe khu matshari, u vbadzulela sanana sawe, u pferula sirumbu nya dzimimba dza vagadzi vawe.”

Joba 19:3

Likhumi dzinyondro na mu gu nyi yuyutela, ne mu mwalo dzitshoni khu gu nyi yuyutelani.

Joba 5:19

Ambari wa gu dugeledwa khu livbandre na mweyo dzimhango, uye a na gu vbulugisa, guvivba ga iyo nya livbandre na dzimbili, kha gu na nga gutshanisa.

Mavingu 6:16

Somo livbandre na gimwegyo silo a si vengago Pfhumu Nungungulu, nya livbandre na sivili si gorosago hefemulo waye, a gu esi:

Muhevbudzi 11:2

Kabana iso u gu naso ni livbandre na vavili mwendro livbandre na vararu vathu, kholu khu liti libango muni li na gu dugelelago mafuni momu.

Isaya 28:27

Kholu dzinyemba kha dzi vbudwi khu givbulo, gambe dza gu vbudwa khu ndronga, ambari gu vbudwa khu lirodha nya kareta; dza gu vbudwa khu gighomba.

Isaya 41:15

Wona, nyi gu dongisede gitshindro nya giphya nya magwaha nya guvbire; u na vbula sigomo u si tshindra, sigomwana si vbindrugedza si gu khala kha nga mavivi.

Isaya 7:16

Aholu, gyanana gegi, na gi si gu kodzi gu nyenya guvivba ni gu hatha wuwadi, mayigo ya vafumeli va vavili va gu thusedzelago ma na bani ma vbindrugedzide ma khala giwula.

Isaya 7:8

Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!

Isaya 8:4

Kholu, gyanana na gi si gu kodzi gu gu rana khigyo baba wangu, mwendro mayi wangu, thomba ya tigoni ga Dhamasiko ni gyuma gya Samariya, si na wandrwa si ya ningedwa ga mufumeli wa Asiriya.”

Amosi 1:11

Pfhumu Nungungulu a ngu ganela kharati, khuye: Khu kotani nya sighoho siraru mwendro sina sa Edhomi, kha nyi na bweledza tsayiso, kholu lundride ndriyaye khu litshari, a mu tshanisa nyamba mu pwela wusiwana, a simama gu khala ni giviti khuye gikhati gyatshavbo.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Amosi 1:6

Pfhumu Nungungulu a ngu ganela kharati, khuye: “Khu kotani nya sighoho siraru sa Gaza mwendro sina, kha nyi na bweledza tsayiso, kholu va dzegide vathu va va yisa wugumbini, gasi vaya va rengisa ga Edhomi.

Amosi 1:9

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Tiro, kha nyi na bweledza tsayiso, kholu yiside gidzemo nya vathu wugumbini aya va rengisa ga Edhomi, nyamba alakanya gidzumeledzwano nya wundruye.

Amosi 2:1

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Mowabhi kha nyi na bweledza tsayiso, kholu vbiside marambo ya mufumeli wa Edhomi kala ma khala nguma.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Amosi 2:6

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Israyeli, kha nyi na bweledza tsayiso. Kholu va ngu rengisa muthu nya gululame khu dzitsapawu, va rengisa muhamugi khu patwa nya silato.

Zakariya 9:1

Gulamula ga Pfhumu Nungungulu mayelano khu litigo la Hadharaki ni Dhamasiko, a gu wulanga waye nya guhefemule avbo; kholu maho ya Pfhumu Nungungulu ma gu wona vathu vatshavbo kha nga idzo a kheviselago khidzo mahundzu ya Israyeli.

Zakariya 9:2

Womo gambe vbatshani ga Hamati, gu guromo vbinganoni navo, Tiro ni Sidhoni, ambari va tadego khu guti nya guete.