Agewu 2:7 - Bhibhiliya Nya Guage

⁷ Nyi na tsekatsekisa mayigo yatshavbo, gasi ma rese eno dzithomba dzawe dzatshavbo; nyi na tadza nyumba yeyi khu wudhumo; a ngu ganela Pfhumu Nungungulu nya Tshivba Yatshavbo.

Agewu 2:7 Iomraidhean Croise

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

1 Dzipfhumu 8:10

Avbo vaphasi nya mhamba va nga dugago khu Wulangani nya Guage Ngudzu, li dita lipfhi li ta fenengedza Nyumba ya Pfhumu Nungungulu;

1 Dzipfhumu 8:11

Vaphasi nya mhamba va di tandrega ni gu khala nyumbani va thuma thumo wawe, khu kotani nya lipfhi, kholu wudhumo wa Pfhumu Nungungulu wu di tadzide Nyumba ya Pfhumu Nungungulu.

2 Dzikoronika 5:14

avbo vaphasi nya mhamba, va nga tandrega ni gu ema umo va gira thumo nya wukhozeli khu kotani nya lipfhi; kholu wudhumo wa Pfhumu Nungungulu wu di tadzide Nyumba ya Nungungulu.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Dzindzimo 85:9

Guvbanyisa gwaye gomo vbafuvbi ga vale va mu thavago gasi wudhumo wu vbaha tigoni gwathu.

Isaya 2:19

Avbo, vathu va naya sihala dziphagoni nya siwindri, ni vbavbatshi nya mavbala, khu gu thava likhulo nya guthise li tago khu ga Pfhumu Nungungulu, ni gungangamela nya wugulu waye, gikhati a na tago guta thusa litigo.

Isaya 60:4

Khusa maho u khedzisa maphuvbo yatshavbo; vathu vatshavbo vava va ngu tombana vata avbo gwago; sanana sago si nata khu hwindzo, esi nya sagadzyana si na wuya na si wugaredwe mawogoni.

Isaya 60:7

Mitshambi yatshavbo nya dzinvuta dza Kedhari, yi nata tombana avbo gwago. Dzihamba dzatshavbo dza Nebhayoti, dzi na gu lumba; dzi na khala ningelo nya gutsakise vbagiluvelotunu gwangu. Eni nyi na mburisa wugulu nya Nyumba yangu nya miphaso.

Ezekiyeli 21:27

Gupfhungumudwa! Gupfhungumudwa basi! Nyi na vbindrugedza lidhoropa li khala marumbi, ilo kha li na nga wusedzwa gambe, kala a vboha uye li mu lumbago khu lisine; khuye nyi na mu ningago.

Ezekiyeli 31:16

Nyi giride mayigo ma ndrendremela khu gudzuma nya gupfhungumudwe gwaye, gikhati nyi mu giridego a relela thowoni gumogo ni avo va relelago phalani nya vafi. Khavbo avbo, misimbo yatshavbo ya Edheni, iyo yi mburidego ngudzu ya Libhanoni, ni misimbo yatshavbo yi selago mati, yi diya tangala guetani nya mafu.

Ezekiyeli 38:19

Khu guralo, khu ligolo langu ni likhulo langu nya likhongolo, nyi ngu ganela gukheni, ga litshigu lile, li na kutsungwa khu tshivba ni tshivba litigo la Israyeli.

Ezekiyeli 44:4

Khu hwane, mwama a di nyi dzega kala mbeli nya Nyumba ya Nungungulu, khu mwanya wa phuvbo ga Wuronga, nyi di khedza nyi wona gukheni wudhumo wa Pfhumu Nungungulu wu tadzide Nyumbani gwa Pfhumu Nungungulu; khavbo avbo, nyi di thega khu khovbe vbavbatshi.

Agewu 1:8

“Gwelani gigomo mu ya dzega misimbo mu ta vbahedza nyumba, yi na gu nyi nengedzisago, gasi nyi kodza gu dhumiswa umo.” A ngu ganela Pfhumu Nungungulu.

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Luka 19:47

Jesu a di gu hevbudza matshigu yatshavbo Nyumbani ga Nungungulu. Aholu vakhongolo nya vaphasi nya mhamba ni vahevbudzi nya Nayo ni madhota, va di gu zama ndzila nya gu mu songe;

Luka 2:27

Na kutsidwe khu Liphuvbo, a diya Nyumbani ga Nungungulu gikhati Jesu a nga yiswago khu vavelegi vaye, gasi guya landrisa milayo yi nga bani yi mu lumba.

Luka 2:46

Hwane nya matshigu mararu va diya mu mana Nyumbani ga Nungungulu na khade vbakari nya vahevbudzi nya Nayo a va yingisa gumogo ni gu va wudzisa.

Luka 20:1

Matshigu yale, Jesu na romo Nyumbani ga Nungungulu a hevbudza vathu ni gu tivisa Mahungu nya Yadi, a di yedwa khu vakhongolo nya vaphasi nya mhamba ni vahevbudzi nya Nayo ni madhota.

Luka 21:38

Vathu vatshavbo va di gu vindrugela gu hongola Nyumbani ga Nungungulu gasi guya pwa Jesu.

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Vagalatiya 3:8

Milowo nya Guage yi tugude gale gukhiyo Nungungulu a na ninga gululama vale va si gu Vajudha, khu kota nya gukhodwe. Gu di tiviswa ga Abrahama Mahungu Yadi yaya nya gupwani: “Ma na kategiswa khavbo gwago mayigo yatshavbo ya mafuni.”

Vakolosi 2:9

Kholu talo watshavbo nya wudhumo wa Nungungulu wu manide givili khu guvbelela ga Kristo a dzi giridego muthu.