Agewu 2:3 - Bhibhiliya Nya Guage

³ Khu mani vbakari gwanu, enu mu tshadego, a nengedego khu gu wona wumburi nya guhegule nya nyumba yeyi? Olu mwa gu yi wona kharini? Kha mu yi woni kha nga khwatshi khandri ya gilo mahoni gwanu, gani?

Agewu 2:3 Iomraidhean Croise

1 Dzikoronika 22:5

Kholu Dhavhidhe a di gu ganela, khuye: “Gyanana gyangu Solomoni a ngari dugwana ni gu gambe, a ngari mwalo tshivba, narigu nyumba yi vbwetwago gu vbahedwa Pfhumu Nungungulu, gu vbwetega nari nyumba nya wumburi, nya gukhugege ni wudhumo tigoni gwatshavbo; khu guralo, nyi na yi dongisela.” Khavbo avbo, Dhavhidhe a di dongisela silo nya singi nya gutale nasi gufi.

Ezira 3:11

Va di embelela ga Pfhumu Nungungulu ndzimo yeyi, khavo: “Khwadi wuhindzi waye ni Israyeli khwa gu kala gupindruga!” Vatshavbo vathu, va di khusedza malito va gira ligwaha nya likhongolo va kulungela ni gu dhumisa Pfhumu Nungungulu, khu gu tsitswa nya siseketelo nya nyumba yaye.

Ezira 3:12

Aholu vaphasi nya vangi nya mhamba, ni va na Levhi, ni vathangeli nya dzinyumba dza vababe vawe va nga bani va gumbide, ava va wonidego nyumba nya guhegule ya Nungungulu, avbo va nga wonago giseketelo nya nyumba nya yiphya, va di womba dzihuwa va lila; aholu nya vangi va di khusa malito va kulungela khu gutsaka.

Isaya 64:10

Madhoropa yago nya guage, ma khade giwula, Siyoni, khade mafu nya gihala; ni Jerusalema khade marumbi.

Ezekiyeli 7:20

Avo va diri ni matshandza khu silo sesi nya gumbure, va gu dzi girela khiso sifananiso nya gunyenyeze. Khu guralo, silo soso, nyi na si gira si khala silo nya gunyenyeze avbo gwawe.

Agewu 2:9

Wudhumo wa nyumba yeyi nya guhegise wu na bani wuri wukhongolo guvbindra uwo wa iyo nya guhegule, a ngu ganela Pfhumu Nungungulu nya Tshivba Yatshavbo; wulanga wowu nyi na resa gurula, a ngu ganela Pfhumu Nungungulu nya Tshivba Yatshavbo.”