Agewu 2:22 - Bhibhiliya Nya Guage

²² nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Agewu 2:22 Iomraidhean Croise

2 Dzikoronika 15:6

Kholu litigo li di wugela limbe litigo, lidhoropa li wugela limbe lidhoropa; kholu Nungungulu a di va khunguvanyisa khu dzitshanisa nya dzingi.

2 Dzikoronika 20:22

Avbo va nga phela gu embelela ni gu kulungela va dhumisa Nungungulu, Uye Pfhumu a di varamela khu hwane ga na Amoni ni ga na Mowabhi ni avo va nga bani va romo khu gigomoni gya Seyiri, va ngatago guta dwana ni va na Judha, vatshavbo va di sasedwa.

2 Dzikoronika 20:23

Kholu va na Amoni, ni va na Mowabhi, va di wugela vavbahi va gigomoni gya Seyiri, va di saselana khu gyawe.

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Dzindzimo 76:6

Avbo u nga va thusa, uwe Nungungulu wa Jakobe, u di emisa dzikareta ni dzikavalu dzawe.

Ekisodha 14:17

Eni nyi na bangisa myonyo ya Vagipiti, va fela gubela va va landra, nyi na pwala gidhumo khu kotani nya esi nyi na girago ga Faro ni ga mabutho yaye yatshavbo nya nyimbi, ni dzikareta ni vakhileli nya dzikavalu.

Ekisodha 14:28

Kholu gikhati ma widego mati, ma dita khubhunyeta dzikareta, ni vakhileli nya dzikavalu, ma gu langaladza mabutho yatshavbo nya nyimbi ya Faro ma nga belago phwani ma landra sanana sa na Israyeli. Mwalo ni moyo basi a nga tshalago.

Ekisodha 15:19

Kholu dzikavalu dza Faro gumogo ni dzikareta dzaye nya nyimbi ni vakhileli nya dzikavalu va bede pwani. Pfhumu Nungungulu a di reda mati ya phwani ma ta va khubhunyeta, kholu sanana sa Israyeli si di gimbila khu mawundru lilondreni nya gubange, vbakari ni vbakari nya yiphwa.

Ekisodha 15:4

Dzamiside phwani dzikareta nya nyimbi dza Faro gumogo ni mabutho yaye nya nyimbi; ni dzindrena dzaye nya guhathwe dzi dzamide nondrwani nya Yiphwa nya Gufuvile.

Isaya 19:2

Kholu Eni nyi na gira gu Vagipiti va dwana ni Vagipiti vakwawe; muthu ni muthu a na wugela ndriyaye, ni mumbe a na wugela muakelane waye, lidhoropa li na wugela limbe lidhoropa, mufumo wu wugela wumbe mufumo.

Isaya 60:12

Kholu litigo ni mufumo va na gumba gu thumela, va nafa; mayigo yoyo ma na pfhungumudwa hayo bhi.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Ezekiyeli 21:27

Gupfhungumudwa! Gupfhungumudwa basi! Nyi na vbindrugedza lidhoropa li khala marumbi, ilo kha li na nga wusedzwa gambe, kala a vboha uye li mu lumbago khu lisine; khuye nyi na mu ningago.

Ezekiyeli 26:16

Khu guralo, vafumeli vatshavbo va bambe nya yiphwa, va na tshiga khu vbasikhalotunu gwawe nya wufumu, va na funungula sifenengelo sawe, va tshula dzingandzu dzawe nya mavalavala; va na taledwa khu hwanga, va khala vbavbatshi na va ndrendremela gikhati gyatshavbo; khu kotani yago, va na thuruga.

Ezekiyeli 38:21

Gogi nyi mu na mu ranela dzinyimbi khu musigomoni gwangu gwatshavbo, a ngu ganela Mune Pfhumu Nungungulu; litshari la moyo ni moyo li na sasela ndriyaye.

Ezekiyeli 39:20

Vbamezatunu gwangu, enu mu na khura khu nyama nya dzikavalu, ni ya vagimbidzisi nya dzikareta, ni ya dzindrena gumogo ni ya masotshwa yatshavbo nya nyimbi, a ngu ganela Mune Pfhumu Nungungulu.

Dhaniyeli 8:25

Khu kotani nya wugengeli ni mano yaye, a na dugelela ngudzu, monyoni gwaye gu na tala khu matshandza, a na mbembisa nya vangi va mu tumbago, bwelo khavbo a wugela ni Pfhumu nya dzipfhumu. Ambari khu kharato, a na mbembiswa, aholu nasiri khu mandza nya vathu.

Amosi 2:15

Uye a gu ni wulaho kha na nga emega gwadi, muthu nya mazambo kha na dzi vbulugisa ni mukhileli nya kavalu kha na vbulugisa womi waye.

Mikeya 5:10

Khu litshigu lolo, a ngu ganela Pfhumu Nungungulu, khuye: Nyi na mbembisa dzikavalu dzago, nyi pfhungumula dzikareta dzago nya nyimbi;

Mikeya 5:15

Khu likhulo ni giviti gyangu, nyi na phodza ga mayigo ma ngamba nyi yingisa.”

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

Mikeya 5:9

Gyandza gyago gi na khusedzwe vbatshani ga avo va gu wugelago, valala vago vatshavbo va na mbembiswa.

Mikeya 7:16

Mayigo ma na si wona ma tala khu dzitshoni, khu kotani nya tshivba yago nya yikhongolo; va na vega nyala kanani, dzindzeve dzawe dzi na khala sivbwiri.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Zakariya 10:11

Avo va na tsemakanya yiphwa nya sitshaniso, a na veta mavimbi nya yiphwa, milondrwa nya guete nya tsongo wa Nilo yi na banga. Khavbo avbo, ma na vbela matshandza yatshavbo ya Asiriya, yi duswa ni ndranga nya wufumu wa Egipito.

Zakariya 10:5

Na va patane vatshavbo va na fanana ni dzindrena nyimbitunu dzi gandredzelago valala maragani ya dzindzilani; kholu Pfhumu Nungungulu womo vbakari gwawe, aholu a na thela dzitshoni vale va khiledego dzikavalu.

Zakariya 12:9

Khu litshigu lolo, nyi na mbembisa mayigo yatshavbo ma na wugelago Jerusalema.

Zakariya 14:3

Khavbo avbo, Pfhumu Nungungulu a na duga aya wugela mayigo yoyo, a ma dwanisa, kha nga idzo a dwanidego khidzo litshiguni nya nyimbi.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Matewu 24:7

Mayigo ma na wugelana; ni mifumo yakone yi na wugelana niyo; dzi na manega dzindzala, mitungu ni sirevareva malangani nya gutale.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Valamuli 7:22

Avbo vatshavbo va na Israyeli nya mazana mararu va nga womba mipundru, Pfhumu Nungungulu a di hambanisa mapimo Vamedhiyani, va phela gu payana khu gyawe ndrani nya lizumbo lawe latshavbo; masotshwa ma di tutuma ma thavela Zerera, kala Bheti-Sita, va vboha kala mivbinganoni ya Abheli-Meyola, vbafuvbi ni Tabhati.

1 Samuweli 14:16

Khu Gibheya ga Bhejami, vawoneleli va Sawule, va di wona masotshwa nya Vafilisitiya na ma gu tutuma ma phalalega khu maphuvbo yatshavbo, va hambana khu dzindzila.