Agewu 2:2 - Bhibhiliya Nya Guage

² “Ganela olu ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa muphasi nya khongolo nya mhamba Jozadhaki, gumogo ni ga mitshaledwa nya vathu, khuwe:

Agewu 2:2 Iomraidhean Croise

Ezira 1:8

Kiro, mufumeli wa Perisiya, a di dusa sombo sesi, khu mandzani ga Metiredhati, musayisi nya thomba yaye, a si ningela mandzani ga Sesibhazari, linganagana la Judha.

Ezira 2:63

Mufumeli wawe a di va embela gukhuye va si hodzi silo si agidego kala a manega muphasi nya mhamba a na emago ni solo Urimi ni Tumimi.

Ezira 3:2

A di khuga Jesuwa, mwamana wa Jozadhaki, ni va ndriyaye, vaphasi nya mhamba ni Zorobhabheli, mwamana wa Salatiyeli, gumogo ni vandriyaye, va ya vbaha giluvelo gya Nungungulu wa na Israyeli gasi va kodza gu payela avbo sifuyo nya miphaso nya guvbiswe, kha nga idzo gu lovidwego khidzo umo nya Nayo wa Mosi, muthu wa Nungungulu.

Nehemiya 8:9

Avbo va nga yingisa magana yaya nya milayo, vathu vatshavbo va di lila. Aholu Nehemiya, a nga bani nari mwamangulu, Ezira nari muphasi nya mhamba bwelo khavbo nari mulovi, gumogo ni va na Levhi va nga bani na va gu hevbudza vathu, va di embela gidzemo, khavo: “Litshigu leli li agisedwe Pfhumu Nungungulu wanu, mu nga tshaniseki ambari gulila.”

Agewu 1:1

Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:12

Khu guralo, Zorobhabheli, mwamana wa Salatiyeli, ni Josuwa, mwamana wa Jozadhaki, muphasi nya khongolo nya mhamba, ni yatshavbo mitshaledwa nya vathu, avbo va ngapwago lito la Pfhumu Nungungulu wawe, ni magana ya muprofeti Agewu, a nga ma ganelago khu gu rumedwa khu Pfhumu Nungungulu wawe, vatshavbo va di thava mbeli ga Pfhumu Nungungulu.

Agewu 1:14

Khu guralo, Pfhumu Nungungulu, a di khendzugisa liphuvbo la Zorobhabheli, mwamana wa Salatiyeli, mwamangulu wa Judha, ni liphuvbo la Josuwa, mwamana wa Jozadhaki, muphasi nya khongolo nya mhamba, ni liphuvbo la mitshaledwa yatshavbo, va ta thuma thumo nya guvbahedze Nyumba ya Pfhumu Nungungulu, nya Tshivba Yatshavbo, Nungungulu wawe,