Agewu 2:19 - Bhibhiliya Nya Guage

¹⁹ Ina yi nga romo mbewu githungani, gani? Gu diga nya isoso, ambari mikandzu miromani kha yi nga gu ninga gambe mihandro. Aholu, gukhugela muhuno, Eni nyi na mi kategisa.

Agewu 2:19 Iomraidhean Croise

Genesi 26:12

Isaki a di yala marembwe yaye tigoni mule. Mwaga yoyo wa wumowo, a di fuma ngudzu guvbindra lizana dzinyondro, kholu Pfhumu Nungungulu a di mu kategisa.

Joba 39:12

U ngu tumba gukhuwe iyo yi na gu wuyisela dzimbewu u na dusago khu mahangeni gwago yi ta dzi guhula musithalani gwago, gani?

Dzindzimo 133:3

Gufanana ni mumya wa gigomoni gya Herimoni, wu thegago sigomoni sa Siyoni. Khavbo vbale Pfhumu Nungungulu a hi rumelago makategwa, ni guvbanya nya gupindruge.

Dzindzimo 84:12

Pfhumu Nungungulu nya Tshivba Yatshavbo, va kategide avo va tumbago uwe.

Jeremiya 31:12

Va na wuya na va gu womba mikulungwane nya gutsake kala gigomoni gya Siyoni, va tsakela dzithomba va ningidwego khu Pfhumu Nungungulu a gu edzi: Tirigu, wadwa, mafura, dzinvuta ni simombyana; hefemulo wawe wu na khala kha nga lithembwe li theledzedwago mati, gima kha va na nga vbela gambe tshivba.

Jeremiya 31:14

Vaphasi nya mhamba nyi na va khurisa khu guhodza nya gunone, ni vathu vangu va khura khu silo sangu nya sadi; a ngu ganela Pfhumu Nungungulu.

Joyele 1:12

Miuvha yi bangide, gu wu na ni kandzu; dimwa, ni ngindru ni manga; misimbo yatshavbo ya mahangeni yi bangide gu fuva litsako vbakari nya sanana nya vathu.

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Agewu 1:11

Nyi reside gihala mafuni, musigomoni, umo nya tirigu, umo nya miuvha, umo nya mafura ni gwatshavbo umo mafu ma ningago mihandro, gumogo gambe ni umo nya vathu, numo nya sirengo, ni vbatshani nya thumo watshavbo nya mandza yanu.

Malakiya 3:10

Resani miningelo yatshavbo nya gipandre nya likhumi avba nya silo nya dzithomba dzanu, muta thela kwamani nya Nyumba ya Nungungulu gasi gu manega guhodza Nyumbani gwangu, khu hwane nya isoso nyi lingeni, mu na wonani mwendro kha nyi na mi tulelani sihogo sa ndzadzini, mwendro kha nyi na mi vbaladzelani talo nya makategwa;” a ngu ganela Pfhumu Nungungulu nya Tshivba Yatshavbo.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Dhewuteronome 15:10

Mu ninge nu tshulegide, monyo wago wu nga kanakani gikhati u mu ningago; khu isoso, Pfhumu Nungungulu wago, a na gu kategisa ga mithumo yago yatshavbo, gumogo ni ga satshavbo u na si girago.

Dhewuteronome 28:22

Pfhumu Nungungulu a na gu veta khu madwali nya gikhohola, dzedzedze, gindrendrewane, gisimba mwendro giwumbwa ni guvbisa nya guthise, ni gu hina nya dzimbewu, dzinyimbi ni mitungu yi na gu lundrago kala u fuva.