Agewu 2:17 - Bhibhiliya Nya Guage

¹⁷ Nyi mi bayiside khu libara, ni gukunela, khu maralala, ni tungu nyi ghohetela thumo watshavbo wa mandzani gwanu, aholu mwalo ni moyo vbakari gwanu a bweledego eno gwangu; a ngu ganela Pfhumu Nungungulu.

Agewu 2:17 Iomraidhean Croise

Genesi 42:23

Va di si dziti nya gukhavo Josefa a ngu si mana esi va ganelago, kholu a di romo muturokeli vbakari gwawe a nga bani na gutshamusela iso va nga bani va gu ganela.

Genesi 42:27

Na va vbohide ndrangani nya vaendri, gikhati moyo wawe a tudego saku gasi gu ninga guhodza buru, a di mana dzitsapawu na dzi vegidwe sakuni.

Genesi 42:6

Josefa a diri mwamangulu wa tigoni mule, khuye gambe a nga bani a rengisela sivbila vathu vatshavbo va tigoni. Avbo va vbohidego vandruye va Josefa, va dita thega vbavbatshi va nogisa dzikhovbe kala vbavbatshi, va khidzima mbeli gwaye.

1 Dzipfhumu 8:37

Gwa gu manega ndzala tigoni, mwendro tungu, ni gihala gi vbisa dzimbewu, maluvbya, dzimbera ni siwungu; va gu randredwa khu valala vawe, tigoni gu gu ni dzindranga dzawe, mwendro gu manega dzingumbe nya guhambanelane ni mitungu,

2 Dzikoronika 28:22

Ambari ulo a nga bani a gu vbanya gutshanisekani, Akazi a di simama gu ghohela Pfhumu Nungungulu.

2 Dzikoronika 6:28

Mafuni ya gu manega ndzala, gu manega mitungu, gihala ni guhina nya dzimbewu, mbasa nya guhambanelane, ni gu valala va sasela vathu vago dzindrangani gwawe, ni gu mana mitungu ni madwali nya guhambanelane,

Joba 36:13

Aholu va nya guvivbedwa khu myonyo, va na wungedzela likhulo la Nungungulu, va si kodzi ni gu lomba giphaso.

Dzindzimo 128:2

Kholu u na hodza mihandro nya thumo wago, u na katega, satshavbo si na gu dugela gwadi.

Dzindzimo 78:46

A di rumela gambe siwungu si hodza dzimbewu dzawe ni mbasa yi hodza mihandro nya thumo wawe.

Isaya 28:2

Wonani nya gukhenu Pfhumu a na rumela mwama nya ndrena ni tshivba kha nga ndzadzi nya maralala ni phuvbo nya gingulu, yi pfhungumulago kha nga talo nya khongolo nya mati ma khulungago khu tshivba, ma kemba mafu.

Isaya 37:27

Khu guralo, vavbanyi vaye va ngu pilega hwambo, va vbela tshivba ni gu khala dzitshoni, va fanana ni mwasi wa khabini, ni mwasi nya gunyuge, mwasi wu bugago vbatshani nya dzilangwe, ni sivbila si vbyago si si gu dandri.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Isaya 9:13

Aholu, vathu vava kha va bwelela ga wule a nga va vetago, ambari gu vbweta Pfhumu Nungungulu nya Tshivba Yatshavbo.

Jeremiya 3:24

Gukhugela wananani gwathu, vanungungulu nya malipha va vbedzide gyuma gya vavelegi vathu, gukhugela dzinvuta ni mitshambi yawe gumogo ni sanana sawe nya sikhwathana ni esi nya sagadzyana.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Amosi 4:6

Khu guralo, enu nenu nyi mi guhide magwaha madhoropani gwanu gwatshavbo, ni malangani gwanu gwatshavbo gu mwalo guhodza. Ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Agewu 1:11

Nyi reside gihala mafuni, musigomoni, umo nya tirigu, umo nya miuvha, umo nya mafura ni gwatshavbo umo mafu ma ningago mihandro, gumogo gambe ni umo nya vathu, numo nya sirengo, ni vbatshani nya thumo watshavbo nya mandza yanu.

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Agewu 1:9

Mu di gu lirela nya singi, aholu mu manide sidugwana; ambari esi nya sidugwana avbo mu nga si resani gaya, eni nyi di si furugedza si mwalalega. Khu kotani nya ginani? A ngu ganela Pfhumu Nungungulu nya Tshivba Yatshavbo, khuye: Khu kotani nya nyumba yangu yi khadego marumbi, gasi enu, muthu ni muthu a gu hongola gaya gwaye.

Agewu 2:16

Khu hwane nya gikhati, muthu a guta gwela vbalitalatunu li gu ni magumavili mipimo a di ta mana basi likhumi mipimo, a guta umo nya miphongolo guta dusa livbandre magumi mipimo nya vbinyu, a nata mana basi magumavili.

Malakiya 3:11

“Khu gufela enu, nyi na fuvisa humbi nya dzimbera gasi yi si ghoheteli mihandro nya mafu; misimbo yanu nya miuvha kha yi na nga khala nyamba ninga mihandro marembweni gwanu,” a ngu ganela Pfhumu Nungungulu nya Tshivba Yatshavbo.

Dhewuteronome 28:22

Pfhumu Nungungulu a na gu veta khu madwali nya gikhohola, dzedzedze, gindrendrewane, gisimba mwendro giwumbwa ni guvbisa nya guthise, ni gu hina nya dzimbewu, dzinyimbi ni mitungu yi na gu lundrago kala u fuva.

Gutuledwa 2:21

Eni nyi mu ningide gikhati nya gu vbindrugedze, aholu, uye kha dzini gu vbindrugedza mavbanyelo a diga wuphuphulu waye.