Agewu 2:15 - Bhibhiliya Nya Guage

¹⁵ Gasi olu pimisani gwadi myonyoni gwanu, iso si mu dugelelago gukhugela litshigu leli guya mbeli, na gu si gu handzegwi giwindri vbatshani nya giwindri, Nyumbani ga Pfhumu Nungungulu.

Agewu 2:15 Iomraidhean Croise

Ezira 3:10

Avbo vavbahi va nga phela gu thela khokhweni nya giseketelo nya Nyumba ya Nungungulu, vaphasi nya mhamba, va di ema avbovbo na va ambade dzingandzu dzawe, na va pharide mipundru gumogo ni va na Levhi, ni va na Asafi na vari ni sitendre gasi gu dhumisa Pfhumu Nungungulu, va landrisa sileletelo sa Dhavhidhe, mufumeli wa Israyeli.

Ezira 4:24

Khavbo avbo, va di diga thumo nya guvbahe Nyumba ya Nungungulu Jerusalema, yi ema kala mwaga nya wuvili nya gufume ga Dhariyo, mufumeli wa va Perisiya.

Dzindzimo 107:43

Oyu a gengedego a ngu thela kota khu silo sesi, a pimisa gwadi lihaladzo la Pfhumu Nungungulu.

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Agewu 1:5

Olu, Pfhumu Nungungulu nya Tshivba Yatshavbo, a ngu ganela kharati, khuye: “Dzi khedzeni myonyoni gwanu khesi si dugelelago guvbanyani gwanu.

Agewu 1:7

Pfhumu Nungungulu nya Tshivba Yatshavbo, a ngu ganela kharati, khuye: Khedzani khu monyoni gwanu iso si mi dugelelago guvbanyani gwanu.

Agewu 2:16

Khu hwane nya gikhati, muthu a guta gwela vbalitalatunu li gu ni magumavili mipimo a di ta mana basi likhumi mipimo, a guta umo nya miphongolo guta dusa livbandre magumi mipimo nya vbinyu, a nata mana basi magumavili.

Agewu 2:18

Nyi ngu mi lomba mu pimise gwadi, gukhugela muhuno guya mbeli, gukhugela litshigu nya magumavili na mana nya ngima nya livbandre na wu na kala litshigu gi nga emiswago khilo giseketelo nya Nyumba ya Pfhumu Nungungulu, pimisani gwadi khu silo sesi.

Zakariya 8:10

Kholu na gu si gu vbohi matshigu yaya, mwalo ni moyo a nga bani a gu hakha nivbo nya thumo waye a nga bani a wu thuma, ambari ni thumo nya sirengo wu di si phasi gilo; gambe gu diri mwalo gurula ni gutangala ga vale va nga bani va dzi ningedzela mithumoni gwawe khu kotani ga nala; nyi di kutsedzela gu, moyo ni moyo a wugela muthu kwawe.

Zakariya 8:11

Aholu, olu kha nyi na nga phara gambe vathu vava kha nga matshiguni ya gale, a ngu ganela Pfhumu Nungungulu nya Tshivba Yatshavbo.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.

1 Vakorinto 11:31

Gasi ha gu dzi lola ethu vamune hi dzi lamula, kha hi na lamudwa khu Nungungulu.