Agewu 2:12 - Bhibhiliya Nya Guage

¹² Muthu nya gukari a gu fumbela nyama nya gukategiswe umo nya tshoka nya ngandzu yaye, tshoka yoyo nya ngandzu yaye ya gu kuha gibaba, mwendro guhodza, mwendro vbinyu, mwendro mafura, mwendro gimbe gilo gi hodzwago, gi na katega nigyo, gani?” Vaphasi nya mhamba va di mu ninga phindrulo, khavo: “Ahihi.”

Agewu 2:12 Iomraidhean Croise

Ekisodha 29:37

Thumo nya guagise giluvelo wu na dzega livbandre na mavili matshigu, u na gi agisa; gi khala gilo gi agidego ngudzu; ni gevbini gi na kuhago giluvelo gi na agiswa.

Muhevbudzi 10:1

Phuga nya gufe yi ngu kodza gu ghoha mafura nya gunungele, kharato nugo wupumbu wudugwana wu ngu kodza gu ghoha wugengeli ni wuzundzo nya muthu nya guti.

Ezekiyeli 44:19

Va gu duga va hongola ga likupakupa la vbavbandze, avbo va guromo vathu, va na tshula guambala va nga bani va thuma khugo, va gu vega makhuvini nya guage, va ambala gumbe guambala, gasi va si agisi vathu khu guambala gwawe nya wuphasi nya mhamba.

Levhi 6:27

Gilo gyatshavbo gi na kuhanago ni nyama nya miphaso gi na agiswa. Novba wakone nya girengo nya miphaso wa gu dotegedza vbangandzutunu, ngandzu yoyo yi na ya handzwa wulangani nya guage.

Levhi 6:29

Nyama yeyi, yi na hodzwa basi khu vama va nyumbani nya wuphasi nya mhamba, kholu gilo gi agidego ngudzu.

Levhi 7:6

Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu.

Matewu 23:19

Sikhumunu! Khu gevbini gi gu gikhongolo guvbindra gikwawe? Khu ningelo, mwendro khu giluvelo, gi gu igyo gi agisago ningelo?

Dhewuteronome 33:10

U hevbudzide Jakobe gululama gwago ni nayo wago va na Israyeli; va di gu vegela libani dzithonvuni gwago, ni miningelo nya guvbiswe, vbagiluvelotunu gwago.