Agewu 1:8 - Bhibhiliya Nya Guage

⁸ “Gwelani gigomo mu ya dzega misimbo mu ta vbahedza nyumba, yi na gu nyi nengedzisago, gasi nyi kodza gu dhumiswa umo.” A ngu ganela Pfhumu Nungungulu.

Agewu 1:8 Iomraidhean Croise

1 Dzipfhumu 6:1

Khu mwaga nya mazana mana ni livbandre na mararu magumi (480), hwane nya gu sanana sa Israyeli na si dugide khu tigoni ga Egipito, khu mwaga nya wu na nya gufume ga Solomoni tigoni ga Israyeli, khu ngima nya Zivi, a gu ngima nya wuvili nya mwaga, gu di phedwa thumo nya guvbahe Nyumba ya Pfhumu Nungungulu.

1 Dzipfhumu 9:3

Pfhumu Nungungulu a di mu embela, khuye: “Nyi pwide nombelo ni gilombo gyago, u lombidego mbeli gwangu. Nyi agiside nyumba yeyi u nyi giredego, gasi u kodze gu vega umo lina langu kala gupindruga; maho ni monyo wangu, si na khala avbo matshigu yatshavbo kala gupindruga.

1 Dzikoronika 22:19

Olu mu vbweteni Pfhumu Nungungulu wanu khu monyo watshavbo ni hefemulo wanu watshavbo; olu dzi ningeleni mu vbaha Nyumba nya Guage ya Pfhumu Nungungulu, gasi Ngasa nya Gidzumeledzwano gya Pfhumu Nungungulu ni sombo satshavbo nya Guage, si reswa nyumbani momu yi na gu vbahedwago lina la Pfhumu Nungungulu.”

2 Dzikoronika 7:16

kholu nyi hathide nyumba yeyi, Nyi yi agisa, gasi Lina Langu li kodze gu khala umo kala gupindruga; maho ni monyo wangu si na khedza umo gikhati gyatshavbo.

Ezira 3:7

Khavbo avbo, va di ningela dzitsapawu ga vapili nya misimbo ni vameseri nya guvate siwindri, gumogo gambe ni guhodza, wadwa ni mafura, ga vathu va Sidhoni ni va tigoni ga Tiro gasi va va resele khu Libhanoni khu mataro misimbo nya sedhari yi ta tigoni ga Jope kha nga idzo va nga bani va pwananide khidzo ni Kiro, mufumeli wa Perisiya.

Ezira 6:4

yi na manege ni ndzarara tharu nya siwindri nya sikhongolo, ni ndzarara mweyo nya mapulango nya maphya; dzitsapawu nya gulivbe esi, dzi na dugele mugikhwamani gya mufumeli.

Ekisodha 29:43

Khuwo wulanga nyi na ta mananago avbo ni sanana sa Israyeli; wulanga wowo wu na agiswa khu wudhumo wangu.

Isaya 60:13

U na ningwa thomba ya Libhanoni; misimbo nya mipinyu, misena ni misiringa, gasi guta mburisa wulanga wangu nya miphaso, nyi dhumisa wulanga yi gandredzelago avbo migondro yangu.

Isaya 60:7

Mitshambi yatshavbo nya dzinvuta dza Kedhari, yi nata tombana avbo gwago. Dzihamba dzatshavbo dza Nebhayoti, dzi na gu lumba; dzi na khala ningelo nya gutsakise vbagiluvelotunu gwangu. Eni nyi na mburisa wugulu nya Nyumba yangu nya miphaso.

Isaya 66:11

Kholu mu na mama mu khura, khu mahwe nya gutangadzise gwaye; gasi mu buza mu bwelo khavbo mu tsakiswa khu gu tala ni gungangamela nya wudhumo waye.”

Agewu 1:7

Pfhumu Nungungulu nya Tshivba Yatshavbo, a ngu ganela kharati, khuye: Khedzani khu monyoni gwanu iso si mi dugelelago guvbanyani gwanu.

Agewu 2:7

Nyi na tsekatsekisa mayigo yatshavbo, gasi ma rese eno dzithomba dzawe dzatshavbo; nyi na tadza nyumba yeyi khu wudhumo; a ngu ganela Pfhumu Nungungulu nya Tshivba Yatshavbo.

Agewu 2:9

Wudhumo wa nyumba yeyi nya guhegise wu na bani wuri wukhongolo guvbindra uwo wa iyo nya guhegule, a ngu ganela Pfhumu Nungungulu nya Tshivba Yatshavbo; wulanga wowu nyi na resa gurula, a ngu ganela Pfhumu Nungungulu nya Tshivba Yatshavbo.”