Agewu 1:6 - Bhibhiliya Nya Guage

⁶ Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Agewu 1:6 Iomraidhean Croise

2 Samuweli 21:1

Matshiguni ya Dhavhidhe, gu manegide ndzala yi dzegidego myaga miraru, khu mwaga ni mwaga, Dhavhidhe a di wudzisa Pfhumu Nungungulu, Pfhumu Nungungulu, a di mu embela, khuye: “Sawule ni ndranga yaye khavo va gu ni nandru nya wusongi, kholu va nga songago Vagibhiyoni.”

1 Dzipfhumu 17:12

Aholu nyamayi a di mu embela, khuye: “Nyi ngu sambanya khu womi wa Pfhumu Nungungulu wago, kheni: Nyi mwalo gilo, ambari ni kati moyo basi, vbavbandze basi nya wuguvbyana wudugwana omu nya gifugwana, ni mafuranyana madugwana mu gigasini. Nyi di roledzela dzikhuninyana dzedzi gasi nyi bwelela gaya, nyi ya phula sidugwana sesi si tshadego, nyi hodza eni ni gyanana gyangu, khu hwane hi khedzisela gufa basi.”

Nehemiya 5:2

Kholu gu diromo vambe va nga, khavo: “Ethu ni sanana sathu nya madzaha nesi nya sagadzyana, hi vathu hi tadego ngudzu, hi ningeni mavbila hi hodza, hi kodza gu vbanya.”

Joba 20:22

Vbakari nya gufume gwaye a na dzipwa nari mwalo gilo, a na thegedwa khu libango nya likhongolo.

Joba 20:28

Wu nata talo wuta kukuluta ndranga yaye ni thomba yatshavbo ya ndrangani gwaye yi na fuviswa khu mati, litshiguni nya likhulo la Nungungulu.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Mavingu 11:24

Muthu a ningago khu wuhindzi nya wungi, a gu wona thomba yaye na yi gu engedzelana, aholu uye a girago ligungo guvbindra muthu nya gululame, a na vbeledwa khiso.

Isaya 5:10

Umo nya likhumi dzindrima nya lithembwe nya miuvha, gu na duga basi vbinyu nya gutadze phongolo moyo; ni likhumi mipimo nya dzimbewu dzi yadwago, dza gu vbwerwa, dzi na dusa basi gitundru gimwegyo!”

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 14:4

Valimi navo va fenengedzide dzikhovbe dzawe khu dzitshoni, khu kotani nya mafu ma bangidego, kholu ndzadzi kha yiwi mafuni.

Jeremiya 44:18

Aholu, gukhugela avbo hi nga emago gu vbisela libani Pfhumugadzi ya Ndzadzini ni gu mu ninga miningelo nya wadwa, kha hi ngu gu mana gambe gilo, ha gu sasedwa basi khu matshari ni gufa khu ndzala.”

Hoseya 4:10

Va na hodza, aholu kha va na khura, va na dzi ningela muwubhayini, gambe kha va na velegelana va andra, kholu va digile gu khedza Pfhumu Nungungulu.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Levhi 26:20

Mu na luza tshivba khu guthuma mahala; mafu yanu kha ma na dusa dzimbewu, ni misimbo ya tigoni gwanu kha yi na dusa mihandro yaye.

Levhi 26:26

Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Agewu 1:10

Khu guralo, ndzadzini gu segegide thondrwane kha yi thegi mafuni kha gu ningi mihandro.

Agewu 1:5

Olu, Pfhumu Nungungulu nya Tshivba Yatshavbo, a ngu ganela kharati, khuye: “Dzi khedzeni myonyoni gwanu khesi si dugelelago guvbanyani gwanu.

Agewu 1:7

Pfhumu Nungungulu nya Tshivba Yatshavbo, a ngu ganela kharati, khuye: Khedzani khu monyoni gwanu iso si mi dugelelago guvbanyani gwanu.

Agewu 1:9

Mu di gu lirela nya singi, aholu mu manide sidugwana; ambari esi nya sidugwana avbo mu nga si resani gaya, eni nyi di si furugedza si mwalalega. Khu kotani nya ginani? A ngu ganela Pfhumu Nungungulu nya Tshivba Yatshavbo, khuye: Khu kotani nya nyumba yangu yi khadego marumbi, gasi enu, muthu ni muthu a gu hongola gaya gwaye.

Agewu 2:16

Khu hwane nya gikhati, muthu a guta gwela vbalitalatunu li gu ni magumavili mipimo a di ta mana basi likhumi mipimo, a guta umo nya miphongolo guta dusa livbandre magumi mipimo nya vbinyu, a nata mana basi magumavili.

Agewu 2:17

Nyi mi bayiside khu libara, ni gukunela, khu maralala, ni tungu nyi ghohetela thumo watshavbo wa mandzani gwanu, aholu mwalo ni moyo vbakari gwanu a bweledego eno gwangu; a ngu ganela Pfhumu Nungungulu.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Zakariya 8:10

Kholu na gu si gu vbohi matshigu yaya, mwalo ni moyo a nga bani a gu hakha nivbo nya thumo waye a nga bani a wu thuma, ambari ni thumo nya sirengo wu di si phasi gilo; gambe gu diri mwalo gurula ni gutangala ga vale va nga bani va dzi ningedzela mithumoni gwawe khu kotani ga nala; nyi di kutsedzela gu, moyo ni moyo a wugela muthu kwawe.

Malakiya 2:2

Mwa gumba nyi yingisani khu githawo, ni gumba khathala khu gu rungudza lina langu, nyi na resa givalo avbo gwanu, sikategiso sanu nyi na si vbindrugedza si khala givalo; givalo gegi gi tadzisegide, kholu, enu kha mu khathali khu silo sesi. A ngu ganela Pfhumu Nungungulu nya Tshivba Yatshavbo.

Dhewuteronome 28:17

Gu na vadwa gitundru ni mbiya yago nya gusugele umo wuguvbi.