Agewu 1:3 - Bhibhiliya Nya Guage

³ Khu guralo, magana ya Pfhumu Nungungulu, ma dita khavbo nya thumo nya wuprofeti wa Agewu, khuye:

Agewu 1:3 Iomraidhean Croise

Ezira 5:1

Vaprofeti Agewu ni Zakariya mwamana wa Idho, va di profeta ga Vajudha va nga bani vari Jerusalema ni Judha; va di va profeta khu lina la Nungungulu wa Israyeli.

Agewu 1:1

Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:2

“Pfhumu Nungungulu nya Tshivba Yatshavbo a ngu ganela kharati, khuye: Vathu vava, va gu ganela, khavo: Gi si gu vbohi gikhati, hi yelago guvbahedza khigyo Nyumba ya Pfhumu Nungungulu.”

Agewu 1:4

“Ina khigyo egi gikhati nya gu enu mu khalani dzinyumbani nya gumburisedwe khu mapulango, aholu nyumba yeyi yi simama gu khala marumbi, gani?”

Zakariya 1:1

Khu ngima nya livbandre na miraru nya mwaga nya wuvili nya gufume ga Dhariyo, lito la Pfhumu Nungungulu li dita ga muprofeti Zakariya, mwamana wa Bherekiya, mwamana wa Idho, khilo: