Agewu 1:2 - Bhibhiliya Nya Guage

² “Pfhumu Nungungulu nya Tshivba Yatshavbo a ngu ganela kharati, khuye: Vathu vava, va gu ganela, khavo: Gi si gu vbohi gikhati, hi yelago guvbahedza khigyo Nyumba ya Pfhumu Nungungulu.”

Agewu 1:2 Iomraidhean Croise

2 Dzipfhumu 12:7

Khavbo avbo, mufumeli Jowasi a di rana muphasi nya mhamba Joyadha ni vambe vaphasi nya mhamba ata va embela, khuye: “Khu ginani mu si gu lulamisigo malufa nya Nyumba? Olu mu nga dzegi gambe gyuma gya valongo vanu, aholu gi ningeleni gi lulamisela malufa.”

Ezira 4:23

Hwane nya gu bani wu hevbudwe khwepa yoyu wa mufumeli Aritasesi mahoni ga Rewumi ni Simisayi mulovi, ni vamata vawe, avo va di khuga khu uvbiredza va hongola Jerusalema ga Vajudha vaya va digisa guvbaha khu tshivba ni gigaha.

Nehemiya 4:10

Gukhugela litshigu lile, gipandre gya vbakari nya madzaha yangu, ma di thuma thumo nya guvbahe, gimbe gipandre gi phara matshari, sitshangu, malaho ni sikhweso nya simbi, vathangeli na va emide khu hwane nya ndranga yatshavbo ya na Judha.

Mavingu 22:13

Ngara a gu ganela, khuye: “Nghala yomo vbavbandze! Nya gu duga, nyi naya songwa vbakari nya ndzila.”

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Muhevbudzi 11:4

Uye a khedziselago dziphuvbo, gima kha yali, ni wule a khedziselago mapfhi, gima kha na vbwera.

Muhevbudzi 3:3

gikhati nya gusonge, ni gikhati nya guvbanyise; gikhati nya gupfhungumule, ni gikhati nya guvbahe;

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Agewu 1:1

Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:3

Khu guralo, magana ya Pfhumu Nungungulu, ma dita khavbo nya thumo nya wuprofeti wa Agewu, khuye:

Mitengo 13:31

Aholu vathu vale a nga hongola navo, va di ganela, khavo: “Gima kha hi na nga dzi kodza gu va pala, kholu avo va na ni tshivba ngudzu guvbindra ethu.”