2 Thimoti 4:8 - Bhibhiliya Nya Guage

⁸ Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

2 Thimoti 4:8 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Dzindzimo 31:19

Pfhumu Nungungulu, wuhindzi wago wukhongolo ngudzu, wa gu wu vegela vale va gu ni githawo ga uwe, u wu ningela ga vale va thavelago avbo gwago, uwo u wu thumisago mbeli nya vathu.

Dzindzimo 7:11

Nungungulu mulamuli nya lisine, gikhati gyatshavbo a gu kona sighohi.

Mavingu 4:9

Gu na vega gihugu nya wumburi hungoni gwago, gu gu ambagisa hari nya wudhumo.

Malakiya 3:17

Pfhumu Nungungulu nya Tshivba Yatshavbo wari, khuye: “Avo va na lumba eni basi, litshigu nyi na wugago nyi thuma thumo wangu. Nyi na va pwela wusiwana kha nga babe a pwelago wusiwana gyanana gyaye gi mu thumelago.”

Matewu 24:36

“Gasi litshigu ni gikhati, mwalo a si tigo, ambari dzingilozi dza Ndzadzini, ambari Mwamana; vbavbandze ga Babe basi.

Matewu 7:22

Nya vangi va na nyi embela litshigu lolo, khavo: ‘Ama Pfhumu, ina kamwe kha ha profeta khu lina lago, hi tutumisa maphuvbo nya guvivbe, gumogo ni gu gira siliwugiso nya singi khu lina lago, gani?’

Luka 10:12

Nyi ngu mi embelani nya gukheni litshigu nya gulamudwe gu na tsetseledwa Sodhoma guvbindra lidhoropa lolo.

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Varoma 8:23

Khandri sivangwa basi, ni ethu nethu hi phedego gu hakha siningwa nya Liphuvbo nya Guage. Ethu hi ngu saniseka ni gu virela gikhati hi na gu dzegiswago kha nga sanana sa Nungungulu, a gu ugo gutshulega gwathu.

1 Vakorinto 2:9

Aholu, kha nga yi ganelago Milowo nya Guage, khiyo: “Pfhumu dongisede ga vale va mu golago silo nya gu gima mwalo a si wonidego, mwendro gu sipwa, gambe mwalo a nga si pimisa.” Khiso esi Nungungulu a si dongisedego ga avo va mu golago.

1 Vakorinto 3:13

thumo wa muthu ni muthu wu na wonegiswa ga vatshavbo, litshiguni la Pfhumu. Kholu, litshigu lolo li na wonegiswa khu nilo, nilo wu na lingedzela gutiya nya thumo wa muthu ni muthu.

1 Vakorinto 9:25

Vathu vatshavbo va girago mapalisana va gu dzi phara siloni satshavbo. Va gu gira satshavbo esi khu gufela gu koka givango nya simbo nyamba hwela gufa. Gasi ethu ha gu thumela gu koka givango gi vbanyago kala gupindruga.

2 Vakorinto 5:2

Ethu olu hi ngu gu vbanyago tshatshani momu hi ngu garadzega ngudzu kholu ha guvbweta gu fenengedzwa khu mili nya nyumba yathu ya Ndzadzini.

Vafilipi 3:11

ni gitumbo nya gumane guwuga khu ga vafudego.

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

1 Vatesalonika 1:10

Olu, na mu gu lindrela guwuya ga Mwanaye, Jesu, khu Ndzadzini, oyu a mu wusidego khu ga vafudego, a na hi vbulugisa ga libango li na gutago.

1 Vatesalonika 5:4

Vandruye, enu kha mu vbanyi gidemani nya wutshigu, khu guralo, litshigu lolo kha li dzi kodzi gu vboha ga enu kha nga mbafa, yitago wutshigu.

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

1 Thimoti 6:19

Khavbo va na manago thomba nya yingi yi na gu va thumelago, khu gikhati gi na gutago, gasi va mane guvbanya nya lisine.

2 Thimoti 1:10

Wuhindzi wowo wu wonegide khu guta ga Muvbanyisi wathu Kristo Jesu, a nga vbedza gufa a wonegisa gutumba nya guvbanye nya gupindruge khu Mahungu Yadi nya Ivhangeli.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

2 Thimoti 1:18

Nungungulu a na mu girele wuhindzi litshigu nya gulamudwe. Mahungu nya mithumo a nga girago Efeso uwe u ngu mati gwadi guvbindra eni.

2 Thimoti 2:5

Muthu a gu hongola mapalisanatunu nya gututume a gu hakha na vbedzide thumo.

2 Thimoti 4:1

Eni nyi ngu gu sambanyisa mbeli ga Nungungulu ni ga Kristo Jesu a na gutago ata lamula va nya guvbanya ni va nya gufa khu gu dzi wonegisa ga Kristo ni mufumo waye. Nyari, kheni:

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Vahebheru 12:11

Khu lisine, olu gutsayiswa gwatshavbo kha gu wonegi na gu tsakisa, gwa gu wonega nga gusaniswa. Aholu, khu gikhati gyakone, gu ngu ninga handro nya gurule ni gululama ga vale va dandrisidwego khugo.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

1 Pedro 1:4

Gasi, hi mana thomba nyamba hina eyi yi ngamba nyenyeziswa, yisi wunigo. Mu dongisidwego iyo ndzadzini,

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 22:20

Oyu a gu fakazi nya silo sesi wari, khuye: “Ina, nyi nguta nugunugu!” Amen. Delu Pfhumu Jesu!

Gutuledwa 4:10

madhota yatshavbo nya magumavili na mana ma gu khidzima mbeli ga wule a khadego vbagikhalotunu nya wufumu, gasi gu khozela wule a vbanyago kala gupindruga, va gu tshula sihugu sawe nya wufumu va si vega mbeli nya gikhalo nya wufumu, na va gukhavo:

Gutuledwa 4:4

Na si randrede gikhalo gegi nya wufumu, si diromo magumavili na sina sikhalo nya wufumu, avbo gu nga bani gu khade magumavili na mana madhota, ma na ambade dzingandzu nya guage ni sihugu nya wufumu, nya gugirwe khu ndralama.