2 Thimoti 4:6 - Bhibhiliya Nya Guage

⁶ A gu bani ari eni, nyi lulamide gu khala mhamba kholu, gikhati gyangu nya gufe gi ngu vboha.

2 Thimoti 4:6 Iomraidhean Croise

Genesi 48:21

Khu hwane Israyeli a di embela Josefa, khuye: “Olu nyi ngufa, aholu Nungungulu a na bani ari nanu, Uye a na mi bweledzani tigoni ga vababe vanu.

Genesi 50:24

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

Dhewuteronome 31:14

Pfhumu Nungungulu a di embela Mosi, khuye: Nyi ngu wona nya gukheni matshigu yago nya gufe ma ngu hidzimela; khu guralo, rana Josuwa mu ta dzi bikela umo nya Tshatsha nya Tshangano, gasi nyi ta mu ninga milayo yangu. Khavbo avbo, Mosi ni Josuwa va di ya dzi wonegisa umo nya Tshatsha nya Tshangano.

Vafilipi 1:23

Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;

Vafilipi 2:17

Ambari gu lomba gu ningela womi wangu nyi gira mhamba nya phaso gasi gu pata ni miningelo yanu nya gukhodwe ga Nungungulu. Eni si ngu nyi tsakisa, gambe nyi ngu hengela gutsaka gogu ni enu mwatshavbo.

Josuwa 23:14

Olu, wonani nya gukhenu, muhuno mu ngu landra ndzila ya vatshavbo va tigoni momu; gasi enu mu ngu dziti khu monyo wanu watshavbo ni hefemulo wanu watshavbo gukhenu gi mwalo ni gimwegyo gitumbiso gi thegidego ga magana yatshavbo nya yadi aya Pfhumu Nungungulu wanu a ganedego khu kotani gwanu ma ngamba girega; aholu yatshavbo ma tadzisegide, gu mwalo ni limwedo basi li tandregidego.