2 Thimoti 4:5 - Bhibhiliya Nya Guage

⁵ Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

2 Thimoti 4:5 Iomraidhean Croise

Isaya 62:6

Mabhiyoni gwago, uwe Jerusalema, nyi vegide vawoneleli, wutshigu ni mihani gima kha va na degula gambe; enu, mu alakanywago khu Pfhumu Nungungulu, mu nga garali,

Jeremiya 6:17

Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Ezekiyeli 3:17

“Mwamana wa muthu, eni nyi gu giride mukhedziseli ga vathu va Israyeli; khu guralo, yingisa magana nyi gu embelago, uya va kawuka khayo.”

Ezekiyeli 33:2

Mwamana wa muthu, ganela ni va na gyanu u va embela, khuwe: Nya gu rumela dzinyimbi gasi guta sasela litigo nya gukari, litigo lolo, li na hathe mwama moyo gasi gu khala muwoneleli,

Ezekiyeli 33:7

Khu guralo, eni nyi gu emiside uwe mwamana wa muthu, gasi gu khala muwoneleli nya ndranga ya Israyeli; khu guralo, uwe yingisa magana ma dugago khu kanani gwangu u va tivisa khu gipandre gyangu.

Matewu 25:16

Wule a nga tshiyedzwago livbandre dzitaleta a di dzi bhindzulisa dzi velega dzimbe livbandre.

Marko 13:34

Gu ngu fanana ni muthu nya gukari a nga donga liendro, a di khuga a tshiyedza ndranga ga sithumi saye, a kabanisela mithumo ga moyo ni moyo, a ruma ghadhi gu tshala yi khevisela.

Marko 13:37

Esi nyi mi embelago nya gu embela vatshavbo, kheni: Khalani na mu dongide.

Luka 12:37

Si kategide sithumi sile si na ta manwago khu pfhumu yawe na si lindrede. Khu lisine nyi ngu mi embelani nya gukheni: A na sumela mwendra mu giwununi, a gu si khadzisa vbavbatshi, gasi gu si phamela.

Mithumo 21:8

Na gugide, hi di phara ndzila hi hongola kala hi ya vboha dhoropani ga Sezareya. Hi di bela ndrangani ga muvhangeli Filipi, hi gu khala naye. Filipi moyo nya vale nya livbandre na vavili va nga hathwago Jerusalema.

Varoma 15:19

khu siliwugiso ni sisamadziso, ni tshivba nya Liphuvbo nya Guage. Khidzo kharati nyi tago na nyi gu tivisa Mahungu nya Yadi ya Kristo, gukhugela Jerusalema, ni malangani yatshavbo kala gipandre gya Iliriya.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

Vaefeso 4:12

Khu magirelo yaya, a guya na gu dongisela sihathwa gasi si thuma gwadi thumo wawe nya guvbahe ni gu dandrisa givili gya Kristo khu gukhodwa,

Vakolosi 1:25

Nungungulu a nyi ranide guta thumela Libandla. A nyi ningide thumo wowu vbakari gwanu, gasi enu mu phasege gikhati Mahungu ya Nungungulu ma giregago vbakari gwanu.

Vakolosi 4:17

Embelani Arikipo, khenu: “Thela kota khu thumo u ningidwego khu Pfhumu u wu sayisa.”

1 Vatesalonika 5:6

Khu kharalo, hi nga khali na hi lade nga vambe, hongoleni hi khedzisele, hi vbanye khu gu dzi phara.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

1 Thimoti 4:15

Vegisa silo sesi, u si gimbidzisa khu ndzila ni lisine, gasi vatshavbo va wone mihandro nya gu dzi garadze gwago.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

2 Thimoti 2:10

Khu guralo, eni nya gu timisela satshavbo khu kotani nya sihathwa, nya gu girela gukheni a navo va mane guvbanyiswa gogu ga Kristo Jesu, gumogo ni gidhumo nya gupindruge.

2 Thimoti 2:3

Tshaniseka gumogo ni eni sigaradzo ni gwangu gwatshavbo, nga musotshwa wa Kristo Jesu.

2 Thimoti 4:17

Aholu, Pfhumu yi diri ni eni yi nyi ninga tshivba nya gutivise Mahungu maphya nya Yadi ma hakhwa khu va nya mayigo. Khu kharato, nyi vbulugide kanani nya nghala

Vahebheru 13:17

Yingelani vathangeli vanu, mu landrisa sileletelo sawe. Kholu avo khavo va khedziselago gikhati gyatshavbo mihefemulo yanu, va na wudziswa khu Nungungulu khu kotani nya isoso. Mwa gu va yingelani, avo va na thuma na va tsakide, kholu, va gu thuma na va gu garadzega kha si na phasa gilo gwanu.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.

Gutuledwa 3:2

“Dzi wonele, u dwanela gipandre gi si gufigo, kholu kha nyi ma woni gwadi mavbanyelo yago mbeli ga Nungungulu.