2 Thimoti 4:3 - Bhibhiliya Nya Guage

³ Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.

2 Thimoti 4:3 Iomraidhean Croise

1 Dzipfhumu 18:22

Khavbo avbo, Eliya a di engedza gu embela vathu, khuye: “Wonani, kheni nyenga nyi tshadego muprofeti wa Pfhumu Nungungulu, gasi vaprofeti Vabhahali mazana mana ni livbandre magumi vama.

1 Dzipfhumu 22:18

Khavbo avbo, mufumeli wa Israyeli a di embela Josafati, khuye: “Ina kha nya gu embela gukheni uye kha kodzi gu ganela avbo gwangu iso nya sadi, aholu gikhati gyatshavbo uye a gu nyi tivisa iso nyamba sadi, gani?”

1 Dzipfhumu 22:8

Khavbo avbo, Akabi, mufumeli wa Israyeli, a di embela Josafati, khuye: “Womo mumbe mwama nya gupwani khu Mikeya, mwamana wa Inila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi, aholu a gu nyi embela iso nya guvivbe gikhati gyatshavbo.” Josafati, a di mu embela, khuye: “U nga ganeli kharato.”

Ekisodha 32:33

Pfhumu Nungungulu a di embela Mosi, khuye: “Oyu a nyi ghohedego khuye nyi na futago lina laye libhukuni gwangu.

Isaya 28:12

avbo a nga va embela, khuye: “Owu wulanga nya guhefemule, digani a hefemula uye a garadego; owu wulanga nya gupepemele”; aholu avo kha va dzina gu yingisa.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 27:9

Khu guralo, mu nga yingiseni vaprofeti vanu, valoli vanu nya dzisolo, valori vanu nya dzindroro, dzinyanga dzanu gumogo ni va nya gufemba ni va nya wuloyi vanu, va gu ganela gwanu, khavo: Mu nga thumelini mufumeli wa Bhabhiloni.

Jeremiya 29:8

Kholu Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Mu nga khanganyiswi khu vaprofeti vanu va guromo vbakari gwanu, ambari vafembi vanu, mu nga dzumeli gu sengwa khavo khu miloro mu yi lorago,

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Luka 20:19

Avbovbo, vahevbudzi nya Nayo ni vakhongolo nya vaphasi nya mhamba va di vbweta gu mu mola, aholu va di thava gidzemo, kholu va di wona nya gukhavo gipimaniso gile gi di thula avo.

Luka 6:26

“Libango lanu mwa gu zundzwa khu vathu vatshavbo. Khidzo kharati vababe vawe va nga bani va gu gira ni vaprofeti nya malipha.

Johane 8:45

Gasi eni nya gu mi embela lisine, pima kholu mu si khodwigo.

Mithumo 17:21

Vathu vatshavbo va Atena ni va nya guta va khalago umo, va di si thumi gimbe gilo vbavbandze nya gu ambe ni gu yingisa mahungu maphya.

1 Vakorinto 2:1

Vandriyangu, gikhati nyi ngata tigoni gwanu nyita mi tivisa sihalo nya gikungo gya Nungungulu, kha nyata ganela khu magana nya gusamadzise, mwendro khu guti nya guliwugise.

1 Vakorinto 2:4

Tshumayelo ni mahungu nyi mi hevbudzidego, kha nya si tiyisa khu magana nya wugengeli ni guti nya wuthu, aholu nyi si tiyiside khu siwonegiso nya tshivba nya Liphuvbo nya Guage.

Vagalatiya 4:16

Ina olu nyi khade nala gwanu khu kota nyi nga mi embelani lisine, gani?

1 Thimoti 1:10

ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

2 Thimoti 1:13

Phara khu gutiya ni gukhodwa ni lihaladzo u li manago ga Kristo Jesu, mahungu yaya nya yadi u ma pwidego ga eni, gasi ma khale giyeyedzo gwago.

Judha 1:18

Avo va nga, khavo: “Gikhati gu na vbohago matshigu nya guhegise, va na manega vathu va na gu mi poyilago; vathu va landrago gudogorela gwawe nyamba khodwa.”