2 Thimoti 4:10 - Bhibhiliya Nya Guage

¹⁰ kholu, Dhemasi a nyi digide khu gu vbweta silo nya mafu, hongode Tesalonika, Kresiseti hongode Galatiya, Tito hongode Dhalimasiya.

2 Thimoti 4:10 Iomraidhean Croise

Matewu 12:32

Uye a valago Mwamana wa Muthu a na tsetseledwa; gasi uye a valago Liphuvbo nya Guage kha na tsetseledwa, ga gikhati gegi ambari ni ga igyo gi nga gutago.

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Luka 14:33

Kharati, ni wevbini, a guromo vbakari gwanu, a si digigo iso a gu naso, kha dzi kodzi gu khala mupizane wangu.

Luka 16:13

Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo, a nyenya yimbe. Kha mu dzi kodzi gu thumela Nungungulu ni dzitsapawu.”

Luka 17:32

Mu ngu mu dundruga ngadza Loti.

Mithumo 13:13

Na va khugide khu Pafosi, iyo va nga ya khilela ngalava, Pawulo ni vangana vaye va di hongola Periga, talala wa Panfiliya gasi Johane a di va diga a gu bwelela Jerusalema.

Mithumo 15:38

Pawulo kha nga wona gwadi gu hengela ni wule a nga va diga Panfiliya a si hengeli navo thumo.

Mithumo 16:6

Va di gimbila tigoni ga Firijiya ni Galatiya; va di himbedzwa khu Liphuvbo nya Guage gu tivisa mahungu ya Pfhumu tigoni ga Aziya.

Mithumo 17:1

Na va vbindride khu madhoropani ya Anfipoli ni Apoloniya, va di vboha dhoropani ga Tesalonika, umo yi nga bani yi romo nyumba nya nombelo nya Vajudha.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Mithumo 17:13

Aholu, Vajudha va Tesalonika na va dzi tide gukhavo Pawulo a ngu tivisa Bhereya mahungu ya Nungungulu, va di hongola vaya kutsedzela vathu gu wusa pfilupfilu.

Mithumo 18:23

Na khade iyo gipimo nya gukari, a di bwelela nya luphye, a gimbila khu madhoropani yatshavbo ya tigoni ga Galatiya ni Firijiya, a tiyisela vapizane vatshavbo.

2 Vakorinto 2:13

Ambari ulo hefemulo wangu kha wa mana gurula, khu gumba ya mana ndriyangu Tito. Khu guralo nyi di vbangana vathu vale nyi khuga nyi hongola Makedhoniya.

2 Vakorinto 7:6

Nungungulu a thavelelago ava va sanisekago, a hi thavelede khu gu vboha ga Tito.

2 Vakorinto 8:16

A na bongwe Nungungulu, a ningidego ligolo monyoni ga Tito, nga eli nyi gu nalo neni khu enu.

2 Vakorinto 8:23

A gu bani ari Tito, i ndriyangu, githumi gikwathu, vbakari gwanu, gasi vambe vandruye va gu rumwa khu mabandla, vatshavbo va gu thumela wuzundzo ni wudhumo wa Kristo.

2 Vakorinto 8:6

Khu guralo, hi lombide Tito, gukhethu edzi a nga phela khidzo, a nate gambe ga enu a ta mi phasa ni gu vbedzisa thumo yoyo nya wuhindzi.

Vagalatiya 1:2

eni gumogo ni vandruye vatshavbo va guromo avba, hi ngu losa mitshangano yatshavbo nya vakhodwa va tigoni ga Galatiya.

Vafilipi 2:21

Vatshavbo vambe va gudwanela basi gu gira guhaladza gwawe, nasiri ogu ga Kristo.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

2 Thimoti 1:15

Uwe u ngu dziti nya gukhuwe vatshavbo va tigoni ga Aziya va nyi digide ambari nuye Figelo ni Herimogeni.

2 Thimoti 4:16

Gulamudwani gwangu nya guphele mwalo na moyo a nga nyi emela, vatshavbo va di nyi diga. Nungungulu a na va tsetselele.

Tito 1:4

Nyi ngu lovela uwe Tito, gyanana gyangu nya lisine gukhodwani, gukhodwa ogu a gu gwago ni gwangu. Wuhigo ni gurula gwa Nungungulu Babe wathu ni ga Kristo Jesu, Muvbanyisi wathu gu na khale ni uwe.

Filemoni 1:24

gumogo ni Marko, Arisitariko, Dhemasi, ni Luka, vaphasedzeli vangu.

2 Pedro 2:15

Va digide ndzila nya gululame va penga; va landra ndzila ya Bhalahama, gyanana gya Bheyori, a nga vbweta gughanya khu gu gira guvivba.