2 Thimoti 4:1 - Bhibhiliya Nya Guage

¹ Eni nyi ngu gu sambanyisa mbeli ga Nungungulu ni ga Kristo Jesu a na gutago ata lamula va nya guvbanya ni va nya gufa khu gu dzi wonegisa ga Kristo ni mufumo waye. Nyari, kheni:

2 Thimoti 4:1 Iomraidhean Croise

Dzindzimo 50:6

Ndzadzini gu na tivisa gululama gwaye, kholu khuye mune Nungungulu a lamulago.

Dzindzimo 96:13

mbeli ga Pfhumu Nungungulu atago, kholu a nguta, ata lamula litigo; a na lamula litigo ni vathu khu gululama, gukhedza khu gutumbega gwaye.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Luka 19:12

A di khuye: “Mwama moyo nya guthavisege a di phara liendro a gu hongola hwindzo, gasi guya phariswa ndronga nya wufumu, na si vbede isoso a wuya.

Luka 19:15

“Gikhati a nga wuyago, na fumisidwe, a dita ranisa sithumi sile a nga bani a si ningide dzitsapawu, gasi gu dziti i tengo muni muthu ni muthu a nga tshala a velegisa.

Luka 23:42

A di engedza, khuye: “Jesu, nyi dundruge gikhati u na gu belago mufumoni wago.”

Mithumo 10:42

Khuye a hi rumidego gu gimbila hi tivisa Ivhangeli ga vathu ni gu fakaza gukhethu uye khuye wule a nga vegwago khu Nungungulu kha nga mulamuli nya va nya guvbanya ni va nya gufa.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Varoma 2:16

Gu na girega kharati litshigu Nungungulu a natago a ta lamula mithumo nya gusihale ya muthu ni muthu khu Jesu Kristo, kha nga edzi yi hi hevbudzago khidzo Ivhangeli nyi mi tivisago.

Vakolosi 3:4

Guvbanya gwanu nya lisine khu Kristo, gikhati uye a na dzi wonegisago, enu nenu mu na wonega gumogo naye mu na tade khu wudhumo.

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

1 Thimoti 5:21

Nyi ngu gu lomba, mbeli ga Nungungulu ni Kristo Jesu ni dzingilozi nya guage, u gira wuhindzi u sayise sileletelo sesi, u si lamuli mahungu khu gupima gwago, ni gihathela.

2 Thimoti 1:10

Wuhindzi wowo wu wonegide khu guta ga Muvbanyisi wathu Kristo Jesu, a nga vbedza gufa a wonegisa gutumba nya guvbanye nya gupindruge khu Mahungu Yadi nya Ivhangeli.

2 Thimoti 2:14

Va embele, u va dundrugisa silo sesi khu lina la Nungungulu, gasi gu si manegi guganedzisana nyamba phasa gilo, gu phalalegisa vale va pwago.

2 Thimoti 4:18

Pfhumu a na nyi vbulugisa guvivbani gwatshavbo, a na nyi ninga guvbanya Wufumuni gwaye wa ndzadzini. Wudhumo wu na ningwe Uye kala gupindruga. Amen.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 4:5

Aholu va na lamudwa khu wule, a dzi vegisedego gu lamula va nya guvbanya ni va nya gufa.

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

2 Pedro 1:11

Khu kharato, mu na ni fanelo yatshavbo nya gubele mufumoni nyamba vbela, wa Pfhumu ni Muvbanyisi wathu Jesu Kristo.

2 Pedro 1:17

Kholu ethu hi diromo, gikhati Nungungulu Babe a mu ningidego wuzundzo ni gidhumo. Lito li nga duga khu gungangamelani nya gukhongolo ngudzu, khilo: “Oyu khu Mwamana wangu nya gu mu gole ngudzu, oyu a nengedzisago monyo wangu.”

1 Johane 2:28

Khidzo, vanavangu! Pharisani guhengela naye, gasi hi tiye longo gikhati a na dzi wonegisago. Kharato, kha hi na nga khala dzitshoni, hi sihala, litshigu a na wuyago.

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.