2 Thimoti 3:8 - Bhibhiliya Nya Guage

⁸ Nga olu Janesi ni Jambiri va nga wugela Mosi, ava navo va wugede lisine, vathu nya mapimo nya gufe ni gukhodwa vbadugwana.

2 Thimoti 3:8 Iomraidhean Croise

Ekisodha 7:11

Aholu Faro nuye a di rana va nya guti ni dzinyanga, avo navo va nya guti va Egipito, va di gira navo idzosaye khu wugengeli wawe nya gusihalege.

Ekisodha 7:22

Aholu dzinyanga dza tigoni ga Egipito dzi di gira nidzo idzosaye khu wugengeli waye. Aholu monyo wa Faro wu di banga, gima kha va yingisa kha nga idzo a nga ganela khidzo Pfhumu Nungungulu.

Ekisodha 8:18

Dzinyanga dzi di pima gu gira idzosaye khu wugengeli wawe nya gusihalege, gasi guvelegisa dzindraya, aholu dzi di tandrega. Dzindraya dzi di pomela vathu ni sirengo.

Ekisodha 8:7

Khavbo avbo, dzinyanga nidzo dzi di gira idzosaye khu wugengeli wawe nya gusihalege; dzi resa vanyakhele tigoni ga Egipito.

Mithumo 15:24

Na hi dzitide nya gukhethu va dugide vathu khu tsawani gwathu va ngata mi hambanisa mapimo khu gu ganela gwawe va gu khunguvanyisa mihefemulo yanu,

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

1 Thimoti 1:19

Vegisa gukhodwa ni mapimo nya lisine. Vambe va digide gukhodwa nya gwadi, va dzimeledwa khugo.

1 Thimoti 4:2

Va na landrisela ava va hevbudzago malipha khavo lisine, ava mapimo yawe ma fudego.

1 Thimoti 6:5

ni guganedzana nya mahala, vathu nyambana mapimo, va guromo hwindzo ni lisine. Avo va gu dzega gukhodwa va gu gira wugwewo.

2 Thimoti 4:15

Dzi wonele nuwe gwaye kholu khuye a nga wusa sigaradzo ni gu ganedza tshumayelo yathu.

Tito 1:10

Kholu vomo nya vangi, ngudzungudzu ava va tago khu nayoni nya Vajudha, va gu vawugeli, va pfhadza vakwawe khu maganelelo yawe nya wupumbu.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

1 Johane 2:18

Vanavangu, gikhati nya guhegise gi vbohide! Enu mu pwide gu ganedwa gupwani nala wa Kristo a nata. Olu va ngu manega nya vangi valala va Kristo; khavbo hi dzitigo gukhethu gikhati nya guhegise gi vbohile.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.

Gutuledwa 2:6

“Ambari khu guralo, u na ni gipandre gyago nya wuwadi, kholu, u ngu nyenya mithumo ya valandreli va Nikolawu, kha nga edzi nyi yi nyenyago khidzo eni.