2 Thimoti 3:6 - Bhibhiliya Nya Guage

⁶ Kholu vbakari gwawe khavo va belago khu nyumba ni nyumba va kanganyisela vanyamayi vale nyamba tiya, vale va landriselago silo nya gighoho, va ndrindrwa khu gudogolela gwatshavbo.

2 Thimoti 3:6 Iomraidhean Croise

Dzindzimo 38:4

Kholu mithumo yangu nya guvivbe yi tade, yi langaladza hungo wangu; yi ngu nyi gikha kha nga rwalo nya gulemele.

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Matewu 11:28

Deluni gwangu, enu mwatshavbo mu garadego ni gu lemedwa; eni nyi na mi hefemudza.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 23:14

Libango gwanu, enu vapfhadzi, vahevbudzi nya Nayo ni Vafarisi, mu phangago sifurugadzi mudzindrangani dzawe, na mu gu pfhadza gu gira milombelo nya gulaphe ngudzu. Khu kharato gulamudwa gwanu gu na bani guri gwa gulemela.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Marko 4:19

aholu, va gu dzi garadza khu silo nya mafu, va gu padwa khu dzithomba ni gudogorela mafumbo yatshavbo nya silo; satshavbo esi si ngu midza mahungu ma si theli mihandro myonyoni gwawe.

1 Vakorinto 12:2

Mu ngu dzitini gukhenu na mu si gu hakhi gukhodwa, mu di gu khozela vanungungulu nya malipha, nya dzimbeveve.

1 Thimoti 5:6

Aholu, oyu a dzi ningedzelago gutsakisa givili, ambari na gu vbanya, fude.

1 Thimoti 6:9

Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.

2 Pedro 3:17

Aholu, enu sigodwa sangu, olu mu matigo mahungu yaya, dzi woneleni, mu nga ndreyiswa ndzilani nya yadi, khu gu sengwa khu sigiro sa va nya guvivba, mu kwiriga gutiyani gwanu.

Judha 1:16

Vathu vovo va gu ngurangura gikhati gyatshavbo ni gu singedzela vakwawe, va gu landrisela gudogorela nya myonyo yawe, va dzi khusedza, va pfhadza vakwawe.

Judha 1:18

Avo va nga, khavo: “Gikhati gu na vbohago matshigu nya guhegise, va na manega vathu va na gu mi poyilago; vathu va landrago gudogorela gwawe nyamba khodwa.”

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.