2 Thimoti 3:2 - Bhibhiliya Nya Guage

² Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

2 Thimoti 3:2 Iomraidhean Croise

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Dzindzimo 49:6

Avo va tumbago dzithomba dzawe va gu dzi zundza khu talo nya wufumu wawe.

Dzindzimo 52:1

Khu ginani u dzi zundza khu mithumo yago nya guvivbe, uwe u gu ni tshivba? Kholu wuwadi wa Nungungulu wu ngu simama kala gupindruga.

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Isaya 10:15

Ina gibhewula gi ngu kodza gu dzi zundza ga uye a kokago khigyo, gani? Mwendro saroti yi ngu dzi wona na yiri ni tshivba guvbindra oyu a yi thumisago, gani? Isoso si di hadza gu gira gu lipitso li kutsunga libogo la wule a gu ni tshivba gu li vbindra, mwendro gighomba gi khusa wule a gi pharago!

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Matewu 15:6

muthu yoyo tshulegide mahoni gwanu. Mwalo gambe giguruvedzo nya guphase babe mwendro mayi waye. Mu tshipisa, kharati, nayo wa Nungungulu khu kotani nya tumbunugo wanu.

Luka 12:15

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Mithumo 5:36

Khu matshigu ya hwane manegide mwama nya gupwani Teyodasi a nga bani a gu dzi randra khongolo, khu magirelo yoyo, a di gu landredwa khu gipimo nya magumana mazana vama, hwane nya gu na songidwe, vapizane vaye vatshavbo va di phalalega; satshavbo si guvbela furi avbovbo.

Varoma 11:18

U nga hingigedzi gu dzi vega vbatshani nya matamo ma nga kokwago. U na dzi kodza kharini uwe gu dzi vega vbatshani? Khandruwe u hodzisago khamba, khamba khuwo wu gu hodzisago.

2 Vakorinto 5:15

Kristo fude wulanga nya vathu vatshavbo, gasi vale va vbanyago va si dzi vbanyeli avo vamune, aholu va vbanyela wule a fudego a wuga khu kotani yawe.

Vafilipi 2:21

Vatshavbo vambe va gudwanela basi gu gira guhaladza gwawe, nasiri ogu ga Kristo.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

1 Thimoti 1:20

Heminewu ni Alesandre va gu lumba tsawa yoyo, nyi va ningede ga Sathane gasi va hevbule gumba poyila Nungungulu.

1 Thimoti 1:9

Hi ngu dziti nya gukhethu Nayo kha wa vegedwa vale va lulamidego, va landrago guhaladza ga Nungungulu, wu vegedwe vale va si landrisigo, ni vale nyamba yingisa, ni sighohi, ni vale va si mu dzumeligo ni gu thava Nungungulu ni satshavbo nya guage, ni vale va songago babe ni mayi ni vambe vathu,

1 Thimoti 3:3

Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.

1 Thimoti 6:4

uyoyo muthu nya matshandza, gambe khati gilo. Muthu nya gudwale, khwa gu wusa maregera ni guphikizana, lidiwo, milembo, guvalana, gusingedzelana guvivba,

2 Thimoti 3:4

Va nya malipha, va nya mapimo nya guvivbe, va nya gugola gu dzi tsakisa khu silo nya mafu guvbindra Nungungulu.

Jakobe 2:8

Khu guralo, mwa gu landra nayo yoyu nya Wufumu, mu ngu gira gwadi, owu wu ganedwago khu Milowo nya Guage, khiyo: “Gola muthu kwanu nga edzi u dzi golago khidzo uwe wurumba wago,” avbovbo mu ngu girani gwadi.

Jakobe 4:16

Aholu, enu mu va nya matshandza, mu vbanyago khu gu dzi khusedza, kharato, khandri gwadi.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

2 Pedro 2:10

Ngudzungudzu avo va landrelago gunavela nya silo nya guvivbe, va nyenya mufumo wa ndzadzini. Vahevbudzi vovo nya malipha va gu dzi girisa ni gu dzi gugumugisa, aholu, kha va khali hwanga gu vala sivangwa nya gwage sa Ndzadzini.

2 Pedro 2:12

Aholu, vathu vovo va ngu fanana ni sivangwa nyambana mapimo, si velegedwago gusotwa si gu songwa. Avo va gu gira matshandza khu silo nyamba siti. Khu guralo, va na pfhungumudwa nga sirengo nya likhabi.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Judha 1:16

Vathu vovo va gu ngurangura gikhati gyatshavbo ni gu singedzela vakwawe, va gu landrisela gudogorela nya myonyo yawe, va dzi khusedza, va pfhadza vakwawe.

Gutuledwa 13:1

Khavbo avbo, nyi di ema khu funguni nyi wona gambe girengo na gi tumbuluga khu linene. Girengo gyogyo gi diri ni livbandre na mivili mihungo ni likhumi dzikheho, kheho ni kheho yi di ambade gihugu nya wufumu. Mihungoni gwaye gu di lovidwe malina nya guvale Nungungulu.

Gutuledwa 16:11

Va di vala Nungungulu wa Ndzadzini, khu kotani nya gutshaniseke gwawe khu silondra. Aholu kha va dzi kodza gu vbindrugedza va diga mithumo yawe nya guvivbe.

Gutuledwa 16:21

Khavbo avbo, khu ndzadzini gu di thega maralala kha nga siwindri nya gulemele pimo nya taleta mweyo. Vathu va di vala Nungungulu khu kotani nya gitsayiso nya maralala kholu gi diri gikhongolo ngudzu.

Gutuledwa 16:9

Vathu va di hahudwa khu lihani nya likhongolo, va vbya nya guthise, va gu vala lina la Nungungulu, a gu ni tshivba nya gu rumele sitsayiso sesi; aholu, kha va dzi kodza gu vbindrugedza, va rungudza Nungungulu.