2 Thimoti 3:10 - Bhibhiliya Nya Guage

¹⁰ Uwe u landrede gwadi sihevbudzo sangu, mavbanyelo, maalakanyo, gukhodwa, guhunisela, lihaladzo, gutiya,

2 Thimoti 3:10 Iomraidhean Croise

Dhaniyeli 1:8

Dhaniyeli a di funga khu monyoni gwaye gumba dzi nyenyezisa khu gu hodza ni gu sela vhinya yi sedwago khu mufumeli, khu guralo, a di ya lomba ga muthangeli nya sithumi gu mu dzumedzisa gumba hodza, gasi a si dzi nyenyezisi khiso.

Luka 1:3

eni neni, hwane nya gu bani nyi si hevbude gwadi, gasi guti idzo si nga dugelelago khidzo guphelani, nyi wonide nya gukheni a diri gwadi gu gu lovela nuwe, Teyofilo, gigodwa gyangu, na nyi si sasamedzela khu dzindrima dzakone,

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 2:42

Avo va di gu khathala khu gu hengela gikhati gyatshavbo umo nya sihevbudzo nya Vapostoli ni umo nya pwanano nya wundruye, ni gukabana gibaba, ni milombelo.

Mithumo 20:18

Na va vbohide, a di va embela, khuye: “Enu mu ngu matini gwadi mavbanyelo nyi vbanyidego khayo vbakari gwanu, gukhugela litshigu nya guhegule gu bela tigoni momu ga Aziya.

Mithumo 26:4

Vajudha va ngu dziti gwadi edzi nyi vbanyidego khidzo wudzahani gwangu, ndrani nya libandla langu, Jerusalema.

Varoma 16:17

Nyi ngu mi tivisani, vandruye, gukheni dzi woneleni ga vale va wusago guhambana ni gu yala gukanakana sihevbuloni mu hakhidego. Gimbilelani hwindzo navo,

2 Vakorinto 1:17

Na nyi hungide gikungo gyogyo gima kha nya gira kingi kingi; gambe kha nya gira khu mapimo nya wuthu. Avbo gwangu kha ga manega “Ina” ni “Ahihi?”

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

Vafilipi 2:20

Mwalo mumbe muthu a hengelago gwadi ni eni sigaradzoni, a wuya a gu dzi garadza khu gu khathalela enu, kha nga uye.

Vafilipi 2:22

Gasi Thimoti, enu mu ngu pima gutumbega gwaye: A dzi garadzide gumogo ni eni thumoni nya gutivise Mahungu nya Yadi, kha nga gyanana gi phasedzelago babe waye.

1 Vatesalonika 1:5

Khu guralo, ethu hi dita mi tivisa Mahungu nya Yadi nasiri khu gu ganela basi, aholu khu tshivba nya Liphuvbo nya Guage, ni gu tiyiswa nya gungi. Mu ngu dziti edzi hi nga dzi vegisago khidzo vbakari gwanu, khu lihaladzo lanu.

1 Thimoti 1:3

Kha nga idzo nyi nga gu leletisa khidzo gikhati nyi nga bani nyiri liendroni nya guhongole tigoni ga Makedhoniya, nyi ngu gu lomba u simame dhoropani ga Efeso gasi u kawuke vathu nya gukari, va guromo iyoyo, va dige gu hevbudza simbe sihevbudzo nya guhambane ni esi hi hevbudzago;

1 Thimoti 4:6

Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 2:22

Uwe u nga hengeli ni madzaha u dogorela esi nyamba yela. Vbweta lisine, ni gukhodwa ni lihaladzo ni gurula ga vatshavbo vale va lombelelago ga Pfhumu khu myonyo yi agidego.

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.

2 Thimoti 4:3

Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.

2 Thimoti 4:7

Nyi dwanide litunga nya ladi. Nyi vbedzide gututuma ni gu sayisa gukhodwa gwangu.

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

2 Pedro 3:11

Olu silo satshavbo si na gu mbembisago guralo, gu vbwetega mu vbanya khu mavbanyelo nya yadi nya wukhodwa, nya gutsakise Nungungulu.