2 Thimoti 2:7 - Bhibhiliya Nya Guage

⁷ Si vegise gwadi esi nyi gu embelago, Pfhumu yi na gu phasa guti satshavbo sesi.

2 Thimoti 2:7 Iomraidhean Croise

1 Dzikoronika 22:12

Pfhumu Nungungulu a na gu ninge guti ni mapimo, gasi a gu vega gu fumela va na Israyeli, u kodza gu landrisa Nayo wa Pfhumu Nungungulu wago.

1 Dzikoronika 29:19

Mwamana wangu Solomoni, mu ninge monyo wu vbeledego gasi a kodze gu sayisa milayo yago, magana ni sileletelo sago, a gira satshavbo gasi a kodza gu vbaha nyumba yeyi yago nyi yi dongisedego.

Dzindzimo 119:125

Eni nyi githumi gyago, nyi ninge mapimo, gasi nyi pima sileletelo sago.

Dzindzimo 119:144

Sileletelo sago si lulamide kala gupindruga, nyi ninge gu si pima, nyi na vbanya. Qof

Dzindzimo 119:73

Uwe U nyi wumbide U nyi tiyisa khu mandza yago; nyi hevbudze guti milayo yago.

Dzindzimo 64:9

Vathu vatshavbo va na thava, va huwelela mithumo ya Nungungulu, va pima esi a thumago.

Mavingu 24:32

Avbo nyi nga si wonago nyi di ema nyi pimisa, khavbo avbo nyi di mana gihevbulo.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 28:26

Kholu Nungungulu waye a ngu mu hevbudza ni gu mu yeyedza esi a yelago gu gira.

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Luka 24:45

Khu vbale, a di va tula mapimo, gasi va pime Milowo,

Luka 9:44

“Yingisani gwadi iso nyi vbwetago gu mi embela: Mwamana wa Muthu a ngu vbweta gu ningedwa ga va nya mayigo.”

Johane 14:26

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

Johane 16:13

La guta Liphuvbo nya lisine, ilo li nata mi endredza, li mi yisa lisineni nya guvbelele, kholu kha li nata ganela silo nya gu si khugele, aholu li nata ganela silo li si pwidego, ni guta mi tivisani iso si natago.

Mithumo 7:10

a di mu vbulugisa mu sigaradzoni satshavbo; a di mu ninga mapimo a mu gira gambe gigodwa gya Faro, mufumeli wa Egipito. Faro a di mu vega kha nga gyandza gyaye a thangela litigo la Egipito ni ndranga yaye yatshavbo nya wufumu.

1 Vakorinto 12:8

Womo a ningwago gu ganela khu mapimo, mumbe a ningwa gu ganela mahungu nya guti. Satshavbo sa gu ningwa khilo Liphuvbo la limwedo.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

Dhewuteronome 4:39

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.

Vafilipi 4:8

Khu guhegisa, vandruye, nyari kheni thelani kota khu esi nya lisine, nya gululame, nya guyele, nya guagiswe, nya gugolege, esi nya wuzundzo, nya ndruda, si yelago gu dhumiswa.

Vakolosi 1:9

Khu Kharato, gukhugela litshigu hi pwidego mahungu yaya nya gutsakise, kha hi garali khu gu lombelela khu enu. Ha gu lomba gukhethu Nungungulu a mi tadzisele khu gu mi tulela guti guhaladza gwaye, a mi ninga gugengela ni gupima khu Liphuvbo Laye.

1 Thimoti 4:15

Vegisa silo sesi, u si gimbidzisa khu ndzila ni lisine, gasi vatshavbo va wone mihandro nya gu dzi garadze gwago.

2 Thimoti 2:6

Mulimi a thumidego a na ni fanelo nya guhegule khuye a hodza mihandro nya thumo waye.

2 Thimoti 2:8

Dundruga Jesu Kristo a wugidego khu ga vafudego. Uye khwa nyumbani ga Dhavhidhe, nga edzi nyi hevbudzago khidzo omu nya Ivhangeli nyi tivisago.

Vahebheru 12:3

Alakanyani gusaniseka gwaye, ni edzi a nga timiselago khidzo likhulo nya sighohi. Kharato, enu nenu mu nga vbeli tshivba, mu bwelelela hwane.

Vahebheru 13:7

Dundrugani vahevbudzi vanu, ava va nga mi tivisa Mahungu ya Nungungulu. Alakanyani edzi va nga vbanya ni gufa khidzo, mu landrisa gukhodwa gwawe.

Vahebheru 3:1

Khu guralo, vandriyangu khu gukhodwa, enu mu ranidwego nenu khu Nungungulu, khusani maho mu khedza Jesu a rumedwego khu Nungungulu, guta khala Muphasi nya Khongolo nya mhamba nya gukhodwe hi gu sambanyago.

Vahebheru 7:4

Wonani edzi Melikisedheki a nga bani ari khongolo khidzo: Abrahama, nyapandre, a mu ningide gipandre nya likhumi nya phango watshavbo a nga wandrela valala litungatunu.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Jakobe 3:15

Guti gogo kha guti khu ga Nungungulu, aholu, khwa mafuni momu, mavbanyelo nya liphuvbo nya guvivbe.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.