2 Thimoti 2:2 - Bhibhiliya Nya Guage

² Esi u nga hevbulago gwangu vbakari nya dzifakazi nya dzingi, hevbudza vathu va tumbegidego va na gu kodzago gu hevbudza navo vambe.

2 Thimoti 2:2 Iomraidhean Croise

Ezira 7:10

Kholu Ezira a di dongisede monyo waye a dzi ningela gu vbweta Nayo wa Pfhumu Nungungulu, a wu landrisa, ni gu hevbudza tigoni ga Israyeli, sileletelo ni lisine laye.

Ezira 7:25

Uwe Ezira, khu wugengeli wa Nungungulu wago u gu nawo, emisa vakhedziseli ni valamuli va kodza gu lamula vathu vatshavbo va guromo khisikheyi nya tsongo, u emisa vathu va mitigo milayo ya Nungungulu wago; avo va si mitigo mu va hevbudza.

Nehemiya 7:2

Nyi di vega ndriyangu Hanani, ni Hananiya, muthangeli nya likhokhola, gasi gu khala vakheviseli va Jerusalema; kholu Hananiya a diri mwama a tumbegidego guvbindra vathu vatshavbo, nari ni githawo ni Nungungulu;

Dzindzimo 101:6

Maho yangu nyi na ma vega ga vathu va tumbegidego tigoni, gasi nyi kodze gu khala gumogo navo; uye a gimbilago khu ndzila nya gululame, a na nyi thumela.

Mavingu 13:17

Mwango nyamba wadi wa gu pengisa vathu, aholu uye a resago guvbanya, khu wule a tumbegidego.

Jeremiya 23:28

Pfhumu Nungungulu a ngu ganela kharati, khuye: “Muprofeti a lorago ndroro a na yi tshamusele, aholu uye a gu ni giningwa nya gupwe magana yangu a na ma huwelele khu gutumbega. Khu ginani mu pfangago muru ni sivbila?”

Levhi 14:42

Wulangani nya siwindri sile si nga dusedwago, va na tshomegedzela simbe siwindri, va londredza nyaluphye nyumba khu limbe libumba.

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Mitengo 12:7

Aholu kha nyi giri kharato ga Mosi, githumi gyangu; uye tumbegide nyumbani gwangu gwatshavbo.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

Matewu 24:25

Nya gu mi embelani matshigu na ma nga romo.

Luka 12:42

Pfhumu a di phindrula, khuye: “Khu gevbini githumi nya guthembege, nya gugengele, gile gi na vegwago mbeli nya sithumi sikwawe khu mune ndranga, gasi gu ninga guhodza sithumi sikwawe khu gikhati gi vbwetegago?

1 Vakorinto 4:2

Fanelo nya githumi gambe khu gu khala na gi tumbegide ga Pfhumu yaye.

2 Vakorinto 2:14

A na rungudzwe Nungungulu, a endredzago mithumo yathu yi gimbila gwadi khu ga Kristo. Khu thumo wathu Nungungulu a ngu phalalegisa malangani yatshavbo mahungu nya gutivise Jesu kha nga mahema nya gunungele gwadi.

2 Vakorinto 3:5

Kha hi dzi kodzi gu ganela khethu ha gu gira esi khu mapimo yathu, ahihi; kholu mapimo yathu ma guta khu ga Nungungulu.

Vakolosi 1:7

Mu hevbudzidwe satshavbo khu Epafrasi, githumi gikhwathu nya gigodwa, muphasedzeli wangu nya gutumbege thumoni wa Kristo, a gu uye a tshikedzago wulanga wangu vbakari gwanu.

1 Thimoti 1:12

Nyi ngu bonga Kristo Jesu, Pfhumu yathu, a nyi ningidego tshivba, a nyi tumbidego a nyi vega thumoni gwaye.

1 Thimoti 1:18

Egi khu gileletelo nyi gu ningago mwanangu Thimoti, mayelano ni magana nya wuprofeti, aya ma ganedwego khu uwe khu gale. Ema ga ayo, u simamisa gu dwana litunga nya ladi.

1 Thimoti 4:14

U nga divaledwi khu giningwa u gi hakhidego, egi u nga ningwago khu litshigu lile vaprofeti nya libandla va nga ganela, u gu handzegwa mandza khu madhota.

1 Thimoti 4:6

Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

1 Thimoti 5:22

U nga vbiredzeli gu handzega mandza muthu thumoni nya libandla, u nga rwali nandru nya sighoho sa mumbe muthu, gimbila khu mavbanyelo nya yadi.

1 Thimoti 6:12

Dwana litunga nya ladi nya gukhodwe, gasi u mane guvbanya nyamba vbela, ugo u nga ranedwa ugo. Khugo u nga ninga wufakazi vbakari nya vathu nya vangi.

2 Thimoti 3:10

Uwe u landrede gwadi sihevbudzo sangu, mavbanyelo, maalakanyo, gukhodwa, guhunisela, lihaladzo, gutiya,

2 Thimoti 3:14

Aholu uwe simama u tiya ga esi u hevbudego u si hakha khu gukhodwa. U ngu dziti gukhuwe u si hevbude ga mani.

Vahebheru 2:17

A di fanela gu khala idzosaye ni vandriyaye siloni satshavbo, gasi a khale Muphasi nya Khongolo nya mhamba, a gu na ni wuhindzi ni gutumbega thumoni nya gu va tshanganise ni Nungungulu, gasi gu tsetseledwa sighoho nya vathu.

1 Samuweli 2:35

Eni nyi na emisa muphasi nya mhamba a tumbegidego, a na girago satshavbo si na godwago khu monyo wangu ni hefemulo wangu; nyi na mu girela nyumba nya gutiye, uye a na vbanya gikhati gyatshavbo mbeli ga uye a todzidwego khu mafura yangu kala gupindruga.