2 Thimoti 2:11 - Bhibhiliya Nya Guage

¹¹ Li tumbegide lito leli li gukhilo: “Ha gu bani hi fude ni Kristo, hi na vbanya gambe naye.”

2 Thimoti 2:11 Iomraidhean Croise

Johane 14:19

Nugunugu, vathu va mafuni kha va na nyi wona gambe, gasi enu mu na nyi wonani; kholu enu mu na vbanya khu kotani nyi vbanyago.

Varoma 6:5

Kholu, nya nga olu hi tshanganisidwego ni Kristo khu gufa nya nga ogu gwaye, kharati gambe hi na hengela naye guwuga khu ga vafudego.

Varoma 6:8

Ha gu bani hi fude gumogo ni Kristo, hi ngu khodwa gukhethu hi na vbanya gambe naye.

2 Vakorinto 13:4

Ambari saye a nga khokhothedwa khu kota nya gu dzi vbevbugise Gwaye, a ngu vbanya khu tshivba ya Nungungulu, ethu ga Uye hi vbevbugide. Gasi ga enu nyi tade khu tshivba ya Nungungulu, khu Kristo.

2 Vakorinto 4:10

Gikhati gyatshavbo hi rwade gufa ga Jesu mugivilini gwathu, gasi gu vbanya ga Jesu gu wonege givilini gwathu.

1 Vatesalonika 4:17

Khu hwane, ethu hi vbanyago, hi na ya hakhwa gumogo navo mapfhini, na hi gu khinga Pfhumu ndrengelengeni. Khu guralo, hi na khala ni Pfhumu kala gupindruga.

1 Vatesalonika 5:10

Uye a difa khu kotani nya ethu, gasi mu guvbanyani ambari gufani hi vbanye gumogo naye gikhati gyatshavbo.

1 Thimoti 1:15

Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

1 Thimoti 3:1

La gu ganela lisine lito leli li gukhilo, muthu a gu dogorela gu phara thumo nya guthangele libandla, hathide thumo nya wadi.

Tito 3:8

Gihevbudzo gegi gi tiyide. Nya gu vbweta uwe u simame ni mahungu yaya, gasi vale va khodwago ga Nungungulu, va dzi garadze khu gu gira esi nya sadi. Esi silo khyadi, gambe si ngu phasa vatshavbo.