2 Thimoti 1:8 - Bhibhiliya Nya Guage

⁸ Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

2 Thimoti 1:8 Iomraidhean Croise

Dzindzimo 119:46

Nyi na huwelela gambe sileletelo sago mbeli ga vafumeli, gima kha nyi na khala dzitshoni.

Dzindzimo 19:7

Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Marko 8:38

Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Luka 9:26

Kholu, uye a na khalago dzitshoni khu kotani yangu mwendro khu kotani nya mahungu yangu, Mwamana wa Muthu a na mu khalela nuye dzitshoni litshigu a na tago na tade khu gidhumo gyaye ni gya Babe, nigyo nya sihathwa nya guage ni dzingilozi!

Johane 15:27

A nenu mu na nyi fakazela, kholu mu diri ni eni gukhugela guhegulani.

Johane 19:35

Oyu a fakazago esi khuye a si wonidego; ni wufakazi waye khwa lisine; gambe a ngu dziti nya gukhuye iso a ganelago lisine, gasi gu enu nenu mu khodwe.

Mithumo 5:41

Vapostoli va di duga khu phathani na va tade khu gunengela, kholu Nungungulu a di va ningide wuhigo nya gusaniswe khu kotani nya lina la Jesu.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

Varoma 8:36

Kha nga yi ganelago Milowo nya Guage, khiyo: “Khu kotani yago, hi ngu linga gu mana gufa litshigu latshavbo. Hi girwa nga dzinvuta dziyago gusongwatunu.”

Varoma 9:33

gi nga thudwa khu Milowo nya Guage, pwani: “Nyi ngu vega Siyoni giwindri gi tshunganisago gi thesa. Aholu, wule a khodwago ga egi giwindri gima kha na thedwa dzitshoni.”

1 Vakorinto 1:6

Kholu, wu tiyisidwe gwanu wufakazi nya mahungu ya Kristo,

2 Vakorinto 6:7

khu mahungu yathu nya lisine, ni tshivba ya Nungungulu khu matshari nya wululami, khu nyamudye ni nyambade.

Vaefeso 3:1

Khu kharato, eni Pawulo, gibotshwa gya Kristo khu kotani yanu enu mu si gu Vajudha, nyi ngu lombelela ga Nungungulu.

Vaefeso 3:13

Khavbo avbo, nyi ngu mi khongotela gukheni mu nga garadzegi khu kotani nya sisaniso nyi si wonago khu kotani yanu; si na khale wuzundzo gwanu.

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

Vaefeso 4:17

Esi nyi mi tivisago ni gu mi laya khu lina la Pfhumu, khesi: Mu nga vbanyi gambe kha nga va nya mayigo va landrisago maalakanyo yawe nyamba phasa gilo,

Vafilipi 1:7

Nyi na ni fanelo nya guhingigedze kharati khu enu mwatshavbo, khaguva nyi nanu monyoni gwangu, kholu mu nga hengela ni eni makategwa nyi ningidwego khu Nungungulu, gukhothedwani gwangu ni thumoni nya guvhikele ni gu huwelela Mahungu nya Yadi.

Vafilipi 3:10

Egi nyi gi vbwetago basi khu guti Kristo, nyipwa tshivba nya guwuge gwaye, nyi hengela naye gusanisekani, kala nyi gufa kha nga uye,

Vafilipi 4:13

Nyi ngu kodza gupala satshavbo tshivbani ya wule a nyi tiyisago.

Vakolosi 1:11

Ha gu lomba ga Nungungulu a mi tiyisa khu tshivba yaye nya yikhongolo, mu kodze gutsarama siloni satshavbo khu gutimisela ni gutsaka.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

1 Vatesalonika 3:4

Na nyiri iyoyo gwanu nyi di mi embedeni khu libango li nga hadza hi dugelelago. Khu guralo, li giregide nga olu mu dzitigo.

1 Thimoti 2:6

a nga ningelago guvbanya gwaye khu gufela gu vbanyisa vathu vatshavbo. Khayo Mahungu ma khalago wufakazi, ma vegidwego khu gikhati gyakone.

2 Thimoti 1:10

Wuhindzi wowo wu wonegide khu guta ga Muvbanyisi wathu Kristo Jesu, a nga vbedza gufa a wonegisa gutumba nya guvbanye nya gupindruge khu Mahungu Yadi nya Ivhangeli.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

2 Thimoti 1:16

Nungungulu a na girela wuhindzi ndranga ya Onesiforo kholu matshigu nya mangi a di nyi tangadzisa, a di si khali dzitshoni khu gumodwa gwangu.

2 Thimoti 2:3

Tshaniseka gumogo ni eni sigaradzo ni gwangu gwatshavbo, nga musotshwa wa Kristo Jesu.

2 Thimoti 2:8

Dundruga Jesu Kristo a wugidego khu ga vafudego. Uye khwa nyumbani ga Dhavhidhe, nga edzi nyi hevbudzago khidzo omu nya Ivhangeli nyi tivisago.

2 Thimoti 2:9

Eni nyi ngu saniseka khu kotani nya Ivhangeli kala nyi hungwa dzitshinga kha nga gighevenga. Aholu, Mahungu ya Nungungulu kha ma hungwi dzitshinga.

2 Thimoti 4:17

Aholu, Pfhumu yi diri ni eni yi nyi ninga tshivba nya gutivise Mahungu maphya nya Yadi ma hakhwa khu va nya mayigo. Khu kharato, nyi vbulugide kanani nya nghala

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;

Gutuledwa 1:2

Uye a gu fakazi nya magana ya Nungungulu, ayo ma ngata tiyiswago khu Jesu Kristo, khu satshavbo esi a nga si wonago.

Gutuledwa 1:9

Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

Gutuledwa 12:11

Vandriyathu va mu pade khu tshivba nya novba wa Nvutana ni wufakazi wawe nya gutimisele; kholu kha va felela guvbanya gwawe, kala va gu dzumela gufa.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.