2 Thimoti 1:16 - Bhibhiliya Nya Guage

¹⁶ Nungungulu a na girela wuhindzi ndranga ya Onesiforo kholu matshigu nya mangi a di nyi tangadzisa, a di si khali dzitshoni khu gumodwa gwangu.

2 Thimoti 1:16 Iomraidhean Croise

2 Samuweli 2:6

Khu guralo, Pfhumu Nungungulu, a na tumbege ni gu mi girelani wuhindzi; eni neni nyi na mi girelani wuwadi wowo, kholu mu giride silo nya sadi.

Nehemiya 13:14

Khu guralo, Nungungulu Wangu, U nga nyi divali, dundruga silo nya sadi nyi gu giredego nyumbani Gwago gumogo ni thumo wago.

Nehemiya 13:22

Nyi leletede gambe va na Levhi gukheni va dzi agise, vata ghadha malimba, gasi va agisa litshigu nya Sabhadho. Khu esi gambe, Pfhumu Nungungulu wangu, nyi alakanye; U nyi tsetselela khu kotani nya wuhindzi wago nyamba vbela.

Nehemiya 13:31

gasi va sayisa miningelo nya dzikhuni nya guvbise khidzo miphaso ni dzimbewu nya guphele guvbwerwa mahangeni khu dzinango dzi vegisidwego. Nyi alakanye, Nungungulu wangu, ni gu nyi girela wuwadi.

Nehemiya 5:19

Nungungulu wangu, nyi alakanye u nyi kategisa, khu wuwadi watshavbo wowu nyi giredego vathu vava.”

Dzindzimo 18:25

Ga oyu a tumbegidego, Uwe u tumbegide, U lulamide ga oyu a lulamidego.

Dzindzimo 37:26

Matshigu yatshavbo a di pwela wusiwana vathu a va ninga, khu guralo, livelego laye li kategide.

Jeremiya 39:17

Khu guralo, Eni nyi na gu vbulugisa ga litshigu lile, khu na thegela mandzani ga vathu vale u va thavago; a ngu ganela Pfhumu Nungungulu.

Matewu 25:17

Wule a nga tshiyedzwago dzitaleta dzimbili a di dzi velegisa nuye dzimbe dzimbili.

Matewu 5:7

Va kategide va nya wuhindzi, kholu va na giredwa wuhindzi.

Mithumo 21:33

Muthangeli a di hidzimela a mola Pawulo a ruma gu mu hunga khu makhetshe mavili. Khavbo avbo, a di wudzisa lina laye ni nandru a nga ghohago.

Mithumo 28:20

Khiso esi nyi nga mi ranelani, gasi guta mi wona ni gu mi tivisani, kholu dzitshinga dzedzi nyi hungidwe khu kotani nya gitumbo hi gu nagyo ethu va na Israyeli.”

1 Vakorinto 16:18

Va nyi tangadziside ngudzu, kha nga va nga mi tangadzisago nenu. Khavbo avbo, mu na ni fanelo nya gu va ningeni githawo.

Vaefeso 6:20

Eni kheni mutivisi nya Mahungu yaya, ambari olu nyi guromo pasoni. Khavbo avbo, lombelelani gasi nyi ganele na nyi tiyide kha nga edzi gu vbwetegago khidzo.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

2 Thimoti 1:17

Gikhati a vbohidego Roma a dita nyi vbweta kala a nyi mana.

2 Thimoti 1:18

Nungungulu a na mu girele wuhindzi litshigu nya gulamudwe. Mahungu nya mithumo a nga girago Efeso uwe u ngu mati gwadi guvbindra eni.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

2 Thimoti 4:19

Losedzela Prisila ni Akila ni ndranga ya Onesiforo.

Filemoni 1:20

Khidzo, wandruye, nyi di gu gola gukheni u nyi tangadzisa linani ga Pfhumu. Tangadzisa monyo wangu ga Kristo.

Filemoni 1:7

Nyi nengede ngudzu nyi salala khu kotani nya lihaladzo lago, kholu myonyo nya sihathwa yi rude khu kotani yago, wandruye.

Vahebheru 10:34

Enu mu hengede gusanisekani ga vale va nga girwa sibotshwa. Na mu phangidwe silo sanu satshavbo, mu di timisela khu gutsaka, kholu, mu di gu dziti gukhenu mu na ni silo nya sadi ngudzu nya gupindruge.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

Rute 1:8

Nowemi a di embela vagadzamwane vaye, khuye: “Bwelelani! Muthu ni muthu a na hongole nyumbani ga mamayi waye; Pfhumu Nungungulu a na mi kategise, kha nga idzo mu thumidego khidzo avbo gwangu ni ga valifutu.