Khu guralo, a na bongwe Nungungulu! Kholu enu gale mu nga bani muri dzikhumbi nya gighoho, olu mu ngu landrisa khu myonyo yanu yatshavbo ndzila nya sihevbudzo mu hakhidego.
Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.
Guvbanyani gwanu thumisani esi mu hevbudego gwangu, esi mu nyi pwidego na nyi gu ganela ni esi mu nyi wonego na nyi gu gira, kharati, gurula ga Nungungulu gu na khala ni enu.
ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,
Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.
gu vbwetega oyu a tiyidego, a tumbegidego omu nya sihevbudzo nya lisine, afela gu kodza gu tiyisa vakwawe khu sihevbudzo nya lisine, ni gu kawuka ava va ganedzago sihevbudzo sesi.
Ganela silo nya lisine, gasi a si manegi muthu nya gu gu kawuke, va fela gu khala dzitshoni valala vathu khu gu hamuga gilo nya guganele khu mahungu yathu.
Aholu, Kristo tumbegide kha nga Gyanana gi rwadego thumo nya gusayise Nyumba ya Nungungulu. Ethu hi na khala nyumba yaye ha gu tiya ga esi hi si tumbago.
Khu guralo, hongoleni hi tiye gukhodwani gwathu. Kholu, hi na ni Muphasi nya khongolo nya mhamba a gu na ni tshivba, a vbeledego, a bedego gungangamelani nya wudhumo wa Nungungulu a gu Jesu Kristo, Mwamana wa Nungungulu.
Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.
Khu kharato dundruga mahungu u ma hakhidego ni gu mapwa. Ma landrise, u vbindrugedza mavbanyelo u wuya ga Nungungulu. Wamba gwadi nyi nata kha nga mbafa nu si giti gikhati nyi na gu gu vbohelago khigyo.