2 Thimoti 1:12 - Bhibhiliya Nya Guage

¹² Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

2 Thimoti 1:12 Iomraidhean Croise

Dzindzimo 25:2

Nungungulu wangu, eni nya gu tumba uwe, nyi nga khali dzitshoni, valala vangu va nga nyi pali.

Dzindzimo 31:5

Mandzani gwago nyi ngu ningela hefemulo wangu; uwe khuwe u nyi dzegisago, Pfhumu, Nungungulu nya lisine.

Dzindzimo 56:9

Litshigu nyi na gu gu lombago gu nyi phasa, valala vangu va na bwelela hwane va thava; eni nyi ngu dziti gwadi gukheni Nungungulu a na ni eni.

Dzindzimo 9:10

Pfhumu Nungungulu, vatshavbo vatigo lina lago, va gu tumba uwe, kholu uwe gima khu digi avo va gu vbwetago.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 50:7

Kholu Mune, Pfhumu Nungungulu, a nyi phasedzede, khu guralo kha nyipwi dzitshoni, khovbe yangu yi tiyide nga giwindri, kholu nyi ngu dziti gukheni gima kha nyi na tedwa khu dzitshoni.

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Nahume 1:7

Pfhumu Nungungulu khwadi, likhokhola nya wuthavelo litshigu nya wuvi. A ngu vhikela avo va mu tumbago,

Matewu 12:21

Va nya mayigo vatshavbo va na tumba lina laye!”

Matewu 24:36

“Gasi litshigu ni gikhati, mwalo a si tigo, ambari dzingilozi dza Ndzadzini, ambari Mwamana; vbavbandze ga Babe basi.

Matewu 7:22

Nya vangi va na nyi embela litshigu lolo, khavo: ‘Ama Pfhumu, ina kamwe kha ha profeta khu lina lago, hi tutumisa maphuvbo nya guvivbe, gumogo ni gu gira siliwugiso nya singi khu lina lago, gani?’

Luka 10:12

Nyi ngu mi embelani nya gukheni litshigu nya gulamudwe gu na tsetseledwa Sodhoma guvbindra lidhoropa lolo.

Luka 23:46

Jesu a di khusedza lito khu tshivba ni tshivba, khuye: “Baba, mandzani gwago nyi ngu ningela hefemulo wangu.” Na ganede esi, a difa.

Johane 17:15

Kha nyi lombi gukheni u va dusa tigoni, aholu kheni va vbulugise guvivbani.

Johane 6:44

Mwalo a dzi kodzago guta gwangu, a gumba ranwa khu Babe a nyi rumedego; uyoyo nyi na mu wusa litshigu nya mahegiso.

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 21:13

Aholu uye a di hi hakha, khuye: “Khu ginani mu lilago kharato mu nyi thela wuvi? Eni nyi dzi dongisede, nasiri guya hungeledwa basi, ambari guya songwa Jerusalema khu kotani nya lina la Pfhumu Jesu.”

Mithumo 7:59

Na gu pfarwa khu siwindri Sitefane a di lombelela, khuye: “Pfhumu Jesu hakha hefemulo wangu!”

Mithumo 9:16

Aholu, eni nyi na mu nonedza tshanisa a na gu yi wonago khu kotani nya lina langu.”

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 9:33

gi nga thudwa khu Milowo nya Guage, pwani: “Nyi ngu vega Siyoni giwindri gi tshunganisago gi thesa. Aholu, wule a khodwago ga egi giwindri gima kha na thedwa dzitshoni.”

1 Vakorinto 1:8

Khuye gambe a na mi tiyiselago kala mahegiso, gasi muta manwa na muri mwalo gihoso litshiguni la Pfhumu yathu Jesu Kristo.

1 Vakorinto 3:13

thumo wa muthu ni muthu wu na wonegiswa ga vatshavbo, litshiguni la Pfhumu. Kholu, litshigu lolo li na wonegiswa khu nilo, nilo wu na lingedzela gutiya nya thumo wa muthu ni muthu.

Vafilipi 1:20

Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Vafilipi 3:10

Egi nyi gi vbwetago basi khu guti Kristo, nyipwa tshivba nya guwuge gwaye, nyi hengela naye gusanisekani, kala nyi gufa kha nga uye,

Vafilipi 3:21

Uye a na vbindrugedza givili gyathu nya gusolege a gi gira gi fanana ni givili gyaye nya gungangamele, khu tshivba a fumago khiyo siloni satshavbo.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

1 Vatesalonika 2:16

Va gu vbweta gu himbedzela gu tshumayela ni gu vbanyiswa va nya mayigo. Khu guralo, va tadzide pimo nya sighoho sawe. Aholu, likhulo la Nungungulu li va fenengedzide.

1 Vatesalonika 5:4

Vandruye, enu kha mu vbanyi gidemani nya wutshigu, khu guralo, litshigu lolo kha li dzi kodzi gu vboha ga enu kha nga mbafa, yitago wutshigu.

1 Thimoti 6:20

Gigodwa gyangu Thimoti, vegisa gwadi gukhodwa u gu hakhidego nga thomba. Ndreya ga maganelelo nya litigo ni gu ganedzana khu guti nya malipha.

2 Thimoti 1:14

Vegisa sihevbudzo nya sadi u ningidwego, u phasedzedwa khu Liphuvbo nya Guage li vbahidego myonyoni gwathu.

2 Thimoti 1:16

Nungungulu a na girela wuhindzi ndranga ya Onesiforo kholu matshigu nya mangi a di nyi tangadzisa, a di si khali dzitshoni khu gumodwa gwangu.

2 Thimoti 1:18

Nungungulu a na mu girele wuhindzi litshigu nya gulamudwe. Mahungu nya mithumo a nga girago Efeso uwe u ngu mati gwadi guvbindra eni.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

2 Thimoti 2:9

Eni nyi ngu saniseka khu kotani nya Ivhangeli kala nyi hungwa dzitshinga kha nga gighevenga. Aholu, Mahungu ya Nungungulu kha ma hungwi dzitshinga.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Tito 3:8

Gihevbudzo gegi gi tiyide. Nya gu vbweta uwe u simame ni mahungu yaya, gasi vale va khodwago ga Nungungulu, va dzi garadze khu gu gira esi nya sadi. Esi silo khyadi, gambe si ngu phasa vatshavbo.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

Vahebheru 2:18

Olu, uye a ngu dzi kodza gu phasedzela ava va lingwago, kholu uye nuye lingidwe a gu mana gusaniseka.

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

1 Pedro 4:16

Aholu, muthu a gu saniswa khu gupwani mukristo, a nga khali dzitshoni, a na bonge Nungungulu khu lina lolo nya Wukristo.

1 Pedro 4:19

Khu guralo, ava va sanisekago khu guhaladza ga Nungungulu, va na ningele mihefemulo yawe ga Muvangi a tumbegidego, na va gu simama gu gira esi nya sadi.

Judha 1:24

Aholu, wule a gu na ni tshivba nya gu mi vhikele, gasi mu si dhedhereki; ni gu mi vbwelegedza a mi vbohisa na mu tsakide, na mu agide nyambana giwono mbeli nya wudhumo waye;