2 Thimoti 1:10 - Bhibhiliya Nya Guage

¹⁰ Wuhindzi wowo wu wonegide khu guta ga Muvbanyisi wathu Kristo Jesu, a nga vbedza gufa a wonegisa gutumba nya guvbanye nya gupindruge khu Mahungu Yadi nya Ivhangeli.

2 Thimoti 1:10 Iomraidhean Croise

Isaya 43:3

Kholu eni kheni Pfhumu Nungungulu wago, Nyaguage wa Israyeli, Muvbanyisi wago; nyi ningede Egipito, gu khala mudzegisi wago, Etiyopiya ni Sebha wulangani gwago.

Isaya 45:15

Khu lisine, uwe u Nungungulu nya sihalo, uwe u Nungungulu ni Muvbanyisi wa Israyeli.

Isaya 45:21

Ganelani mahungu mu ma pwadza, ni gu ninga wufakazi wanu. Wudzisanani khu gyanu. Khu mani a tivisidego silo sesi gukhugela gikhati gya gale? Gukhugela ga gikhati gile, khu mani a si tivisidego? Ina kamwe khandri eni Pfhumu Nungungulu nyi si giridego, gani? Kholu mwalo mumbe Nungungulu, vbavbandze nya eni, Nungungulu nya gululame ni mutshudzisi, mwalo mumbe vbavbandze ga eni.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Luka 11:36

Khu lisine, mili wago watshavbo wa gu bani wu wenengedzwa, nyamba tshala ni gipandryana gidugwana, wu na ngangamela, wu fanana ni idzo wu wenengedzago khidzo mwenge nya gukhondre gwadi.”

Luka 13:7

Khavbo avbo, a di embela musayisi nya lithembwe, khuye: ‘Myaga miraru khoyu na nyita vbweta maguyu omu, kha nyi ma mani. Wu koke, kholu wa gu gundrela wulime mahala.’

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Johane 1:9

Lito li diri wenengedzo nya lisine, wu ngatago mafuni gasi guta wenengedza muthu watshavbo.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 4:42

va di embela nyamayi, khavo: “Olu kha hi khodwi khu kotani nya magana yago; hi diya khu gupwa habune; hi ngu dziti nya gukhethu uye khu lisine khuye Kristo Muvbanyisi nya litigo.”

Johane 5:40

Aholu enu kha mu dzini guta gwangu, gasi muta mana guvbanya.

Mithumo 13:23

Ndrani nya livelego la Dhavhidhe, kha nga gutumbisa ga Nungungulu, velegidwe Muvbanyisi wa na Israyeli, a gu uye Jesu.

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Varoma 3:31

Khavbo avbo, ina sa gu wonega gupwani hi ngu tshipisa Nayo khu gukhodwa, gani? Ahihi. Aholu ha gu tiyisa Nayo.

Varoma 6:6

Hi ngu dziti gwadi gukhethu muthu wathu wa gale fude gumogo ni Kristo vbagihambanotunu, gasi gu pfhungumudwa guvivba gwatshavbo hi nga bani hiri nago, hifela gu tshulega wugumbini nya gighoho.

1 Vakorinto 15:26

Nala nya guhegise a na padwago, khu gufa.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Vakorinto 5:4

Na hi ngu gu vbanya tshatshani momu hi ngupwa wuvi ni gusaniseka, kholu kha hi dzini gu tshudwa, aholu ha guvbweta gu ambagiswa gasi gufa gu midzwe khu guvbanya nya guphya.

Vagalatiya 5:4

Enu mu dwanelago gu gulandrisani Nayo mu ngu dzi hambanisa ni Kristo; gambe mu mwalo wuhigo wa Nungungulu.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

2 Thimoti 1:1

Eni, Pawulo, Mupostoli wa Kristo Jesu khu guhaladza ga Nungungulu, nyi rumidwego gu tivisa gitumbo nya guvbanye, a hi giredego khu Kristo Jesu,

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

2 Thimoti 4:1

Eni nyi ngu gu sambanyisa mbeli ga Nungungulu ni ga Kristo Jesu a na gutago ata lamula va nya guvbanya ni va nya gufa khu gu dzi wonegisa ga Kristo ni mufumo waye. Nyari, kheni:

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Tito 2:11

Kholu, Nungungulu a hi tulede guti wuhigo waye, afela gu vbanyisa vathu vatshavbo.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Tito 3:4

Aholu, olu Nungungulu, Muvbanyisi wathu, yeyedzide wuwadi ni lihaladzo laye ga vatshavbo.

Vahebheru 10:32

Alakanyani esi si nga dugelela gale, matshigu yale mu nga hakhago wenengedzo wa Nungungulu; mu wonide tshanisa nya yikhongolo, aholu, gima kha mwa padwa litungani.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

2 Pedro 1:11

Khu kharato, mu na ni fanelo yatshavbo nya gubele mufumoni nyamba vbela, wa Pfhumu ni Muvbanyisi wathu Jesu Kristo.

2 Pedro 1:3

Tshivba ya Nungungulu yi ngu hi ninga satshavbo hi si vbwetago gasi hi vbanye khu mavbanyelo nya yadi nya gutsakise Nungungulu, khu guti wule a hi ranidego guta hengela wudhumo ni wuwadi waye.

2 Pedro 2:20

Khu guralo, vale va nga muti Pfhumu ni Muvbanyisi wathu Jesu Kristo, va gu vbuluga ga sihena nya guvivbe nya litigo, khu hwane va gu wuya va modwa gambe khu silo sesi, va guta nyenyeza ngudzu guvbindra guhegulani.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.

2 Pedro 3:2

Nya gu vbweta gukheni mu dundruge magana ma nga ganedwa gikhati gya gale khu vaprofeti nya gukatege, ni Nayo nya wadi wa Pfhumu ni Muvbanyisi wathu Jesu Kristo, mu ningidwego khu vapostoli.

1 Johane 1:2

(Kholu guvbanya gogu gu dzi wonegisidego, ethu hi gu wone. Khu guralo, ethu hi ngu ganela khugo, hi mi tivisani guvbanya nya gupindruge gu nga bani guri ni Babe, hi tuledwego gu guti).

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

Gutuledwa 18:1

Khu hwane nya silo sesi, nyi di wona gambe yimbe ngilozi na yi gu tshiga khu ndzadzini ni tshivba nya yikhongolo ngudzu, ni litigo li di wenengedzwa khu gungangamela gwaye.

Gutuledwa 2:7

“Wule a gu ni dzindzeve a na pwisise esi Liphuvbo li embelago mabandla. Ga wule a na palago, nyi na mu dzumedzisa gu hodza handro nya simbo nya womi wu guromo thembweni ga Nungungulu.”

Gutuledwa 20:14

Lufu ni lithowo si di rinywa tsivani nya nilo. Litsiva leli nya nilo khu gufa nya wuvili.

Gutuledwa 22:14

Va kategide vale va handzago dzingandzu dzawe novbani ga Nvutana, va fela gu mana fanelo nya guhodze simbo nya womi gasi va kodze gu bela khu myanya ya dhoropani.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.