2 Samuweli 9:7 - Bhibhiliya Nya Guage

⁷ Khavbo avbo, Dhavhidhe a di mu embela, khuye: “U nga thavi, nya gu vbweta gu gu girela wuhindzi, khu kotani ya babe wago Jonatane, nyi na gu bweledzela wulime watshavbo wa kokwe wago Sawule, gasi uwe nyi na hodza nago mbiyani gwangu gikhati gyatshavbo.”

2 Samuweli 9:7 Iomraidhean Croise

Genesi 43:18

Gikhati va va bedzidego ndrangani ga Josefa, avo va di liwuga va ganela, khavo: “Khu kotani nya dzitsapawu va nga thelago mudzisakuni gwathu, va hi resago avba; va gufela gu hi mola, va hi gira dzikhumbi, va hi wandrela dziburu dzathu.”

Genesi 43:23

Uye a di va embela, khuye: “Tangalani, mu nga thavi gilo. Nungungulu wanu, Nungungulu wa babe wanu khuye a giridego mu mana gyuma dzisakuni gwanu: “Dzitsapawu dzanu va nyi ningide eni.” Khavbo avbo, va di va resela Simiyoni.

2 Samuweli 12:8

nyi gu ningide ndranga ya mune wago, ni vagadzi va mune wago, mawogoni gwago, nyi gu ninga nyumba ya Israyeli ni ya Judha; nari pwani u di si wone nasiri sidugwana na nyi gu engedzede simbe siningwa.

2 Samuweli 19:28

Kholu ndranga yatshavbo ya babe wangu, vathu va fanedwago khu gufa mbeli ga mufumeli ni mune wangu, ambari khu kharato, u vegide githumi gyago vbakari nya avo va hodzago vbamezatunu gwago; i fanelo muni gambe nyi yelago gu lomba eni ga mufumeli?”

2 Samuweli 19:29

Mufumeli a di hakha, khuye: “Khu ginani u na gu ganelago isoso? Eni nyi gu embede gukheni: Uwe ni Zibha mu kabane malime.”

2 Samuweli 19:33

Mufumeli a di embela Bharizilayi, khuye: “Hongole hatshavbo Jerusalema, eni nyi naya gu sayisa.”

2 Samuweli 21:7

Aholu mufumeli a di vbulugisa Mefibhoseti, mwamana wa Jonatane, mwamana wa Sawule, khu kotani nya gisambanyo a sambanyidego ga Pfhumu Nungungulu, va nga bani va giride Dhavhidhe ni Jonatane, mwamana wa Sawule.

2 Samuweli 9:1

Dhavhidhe a di ganela, khuye: “Ina mwalo a tshadego wa nyumbani ga Sawule gasi nyi mu girela wuhindzi khu kotani nya lihaladzo nyi nga giredwago khu Jonatane, gani?”

2 Samuweli 9:10

U na mu limela marembwe, uwe ni sanana sago, ni sithumi sago, u vbwera mihandro yakone, gasi ndranga ya mune wago yi si hamugi guhodza; aholu Mefibhoseti, mwamana wa mune wago, uye nyi na hodza naye vbamezatunu gwangu. Zibha a diri ni likhumi na livbandre sanana ni magumavili sithumi.

2 Samuweli 9:11

Zibha a di embela mufumeli, khuye: “Kha nga idzo mufumeli ni mune wangu a rumago khidzo, githumi gyago gi na gira kharato.” Khavbo avbo, Mefibhoseti a di hodza vbamezatunu ga Dhavhidhe, kha nga moyo nya sanana sa mufumeli.

2 Samuweli 9:13

Mefibhoseti a di khala Jerusalema, a hodza vbamezatunu ga mufumeli gikhati gyatshavbo. Uye a diri gigoha nya guhase mawundru.

2 Samuweli 9:3

Mufumeli a di mu embela, khuye: “Ina kha tshala muthu wa nyumbani ga Sawule gasi eni nyi fela gu yeyedza gwaye wuhindzi wa Nungungulu, gani? Zibha a di hakha, khuye: “Gu tshade mwamana moyo wa Jonatane, nya gigoha a hasidego mawundru.”

1 Dzipfhumu 2:7

Aholu girela wuhindzi ga sanana sa Bharizilayi, givelegwa gya Gileyadhi, va na khale gumogo ni avo u hodzago navo vbamezatunu gwago, kholu avo va nyi phaside avbo nyi nga bani nyi gu thava ndriyago Abhisalamo.

2 Dzipfhumu 25:29

A di mu tshula dzingandzu nya wubotshwa, Jowakimi a di hodza gumogo ni mufumeli matshigu yatshavbo nya guvbanye gwaye.

Dzindzimo 41:9

Gu dzega ni pari yangu, nyi nga bani nyi yi tumba, hi nga bani hi hodza mbiya mweyo, yi nyi dzuwuluga niyo yi nyi wugela.

Jeremiya 52:33

A di mu tshula dzingandzu nya wubotshwa waye, a di hodza vbamezatunu gumogo ni mufumeli, matshigu yatshavbo nya guvbanye gwaye.

Zakariya 7:9

Pfhumu Nungungulu nya Tshivba Yatshavbo a ngu ganela kharati, khuye: “Lamulani khu gululama ni lisine, nonedzani wuwadi ni wuhindzi, moyo ni moyo a na pwele wuhindzi ndriyaye.

Matewu 6:11

Guhodza gwathu nya litshigu ni litshigu hivbe muhuno.

Luka 22:30

gasi mu hodze ni gu sela vbamezatunu nya buzo wangu. Mu na khalani vbasikhalotunu nya wufumu, mu lamula mahundzu yatshavbo ya Israyeli, nya likhumi na mavili.

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.

1 Samuweli 12:24

Igyo gi vbwetegago, ningani githawo Pfhumu Nungungulu, mu mu thumela na mu tumbegide khu monyo wanu watshavbo; kholu, mu wonide silo sesi nya sikhongolo a giridego.

1 Samuweli 20:15

Gima u nga digi gutumbega ga ngamo yangu, ambari Pfhumu a gu mbembisa tigoni valala vatshavbo va Dhavhidhe.”

1 Samuweli 22:23

Khala ni eni, u nga khali hwanga. Kholu oyu a vbwetago womi wangu, khuye wa moyo a vbwetago uwo wago; eni nyi na gu sayisa.”