2 Samuweli 8:3 - Bhibhiliya Nya Guage

³ Dhavhidhe a di sasela gambe Hadhadhezeri, mwamana wa Reyobhi, mufumeli wa Zobha, gikhati uye a nga bani a hongola aya tiyisa mufumo waye tsongoni ga Ewufrate.

2 Samuweli 8:3 Iomraidhean Croise

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

2 Samuweli 10:15

Avbo Vaasiriya va nga wonago gukhavo va padwe khu va na Israyeli, va di ya tombana gasi gu ya dzi wumbedza.

2 Samuweli 10:16

Hadhadhezeri a di rumela gu ya ranwa Vaasiriya va nga bani vari khisikheyi nya tsongo, Helani; Sobhaki, muthangeli nya nyimbi ya Hadhadhezeri, a di soma aya mbeli gwawe.

2 Samuweli 10:19

Avbo vafumeli vatshavbo, ni sithumi sa Hadhadhezeri, va nga wonago gukhavo va padwe, va di lomba gurula ga va na Israyeli, va thumela va na Israyeli; khavbo avbo Vaasiriya kha va nga engedza gambe guta phasedzela va na Amoni.

2 Samuweli 10:6

Avbo va na Amoni va nga wonago gukhavo va vbahide livengo ga Dhavhidhe, avo va di rumela myango gu ya ramba magumavili magumi mazana (20.000) vama nya Vaasiriya va Bheti-Rehobhi, ni Vaasiriya va Zobha, ni likhumi mazana (1.000) vama va mufumeli wa Mahaka, ni likhumi na mavili magumi mazana (12.000) va mufumeli wa Tobhi.

2 Samuweli 23:36

Igali, mwamana wa Natane, wa Zobha, Bhani, Mugadhi,

1 Dzipfhumu 4:21

Solomoni a diri ni tshivba ga mifumo yatshavbo, gukhugela tsongoni wa Ewufrate, kala tigoni ga Vafilisitiya, kala ni vbinganoni wa Egipito. Mifumo yeyi yi dita luva ga Solomoni ni gu mu thumela matshigu yatshavbo nya guvbanye gwawe.

1 Dzikoronika 18:3

Hadhadhezeri nuye mufumeli wa Zobha, a di sasedwa khu Dhavhidhe, vbafuvbi ni Hamati, avbo a nga bani a hongode aya tiyisa mufumo waye vbafuvbi ni tsongo wa Ewufrate.

2 Dzikoronika 8:3

Khu hwane nya ugo, Solomoni a diya dhumela lidhoropa la Hamati wa Zobha, a li wandra.

Dzindzimo 60:1

Uwe Nungungulu, uwe u hi digide u hi phalalegisa; kholu u di tade khu likhulo khu ethu; gasi olu hi ninge gambe tshivba!

Dzindzimo 72:8

Mufumo waye wu na khugele linene kala linene, gukhugela tsongoni wa Ewufrate, kala mahegiso nya litigo.

Ekisodha 23:31

Nyi na pandra mivbingano yago gukhugela Yiphwa nya Gufuvile kala Yiphwa ya Vafilistiya, ni gukhugela giwulani kala gu vboha tsongoni wa Ewufrate; kholu nyi na vega mandzani gwago vathu va vbanyago tigoni, uwe u na va tutumisa mbeli gwago.

Dhewuteronome 11:24

Wulanga watshavbo mu na gandrago khu migondro yanu, wu na lumba enu, litigo lanu lina khugela giwulani kala Libhanoni, gukhugela tsongo wa Ewufrate, kala ga yiphwa ya Muhwadambo, wu na bani wuri vbingano wanu.

1 Samuweli 14:47

Avbo Sawule a nga dzega mufumo wa Israyeli, a di dwana ni valala vaye vatshavbo va nga bani va mu randrede a gu ava: Vamowabhi, Vaamoni, Vaedhomi, vafumeli va Zobha ni Vafilisitiya; gwatshavbo umo a nga bani a gimbila a dwana a di wuya na dugelede.