2 Samuweli 8:13 - Bhibhiliya Nya Guage

¹³ Dhavhidhe a di pwala ndruma ngudzu, gikhatini a nga bani a gu wuya khiyo nya gusasele Vaasiriya, kovani nya Munyu, avbo a nga songa likhumi na livbandre na mararu magumi mazana (18.000) vama.

2 Samuweli 8:13 Iomraidhean Croise

Genesi 11:4

Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

2 Samuweli 7:9

Eni nyi diri nago gwatshavbo umo u gimbidego khumo; nyi mbembiside valala vago mbeli gwago, nyi giride lina lago gukhwatshi lina nya vathu vakhongolo va guromo mafuni.

1 Dzipfhumu 11:15

Kholu gikhati Dhavhidhe a nga dwana ni va na Edhomi, Jowabhi, ndruna nya nyimbi, a nga bani na hongode iyoyo guya dzinga avo va ngafago, a diya sasela vama vatshavbo va Edhomi.

2 Dzipfhumu 14:7

Uye a di songa likhumi magumi mazana (10.000), va na Edhomi kovani nya Munyu; a phanga litigo la Sela mulitungani; a li thangisa lina la Jokiteyeli kala na muhuno.

1 Dzikoronika 18:12

Abhisayi, mwamana wa Zeruya, uye nuye a di sasela likhumi na livbandre na mararu magumi mazana (18.000) vathu va na Edhomi kovani nya Munyu.

2 Dzikoronika 25:11

Amaziya a di tiya longo, a thangela vathu vaye, a di relela kovani nya munyu, avbo a ngaya sasela likhumi magumi mazana (10.000) va na Seyiri.

Dzindzimo 60:1

Uwe Nungungulu, uwe u hi digide u hi phalalegisa; kholu u di tade khu likhulo khu ethu; gasi olu hi ninge gambe tshivba!