2 Samuweli 7:6 - Bhibhiliya Nya Guage

⁶ Kholu gukhugela litshigu nyi dusidego va na Israyeli khu tigoni ga Egipito kala muhuno, kha nya khala nyumbani, aholu nyi diri mulegalegi, nyi khala ga tshatsha ni tshatsha.

2 Samuweli 7:6 Iomraidhean Croise

2 Samuweli 11:11

Uriya a di mu hakha khuye, Ngasa nya Gidzumeledzwano, yomo tshatshani; va na Israyeli ni va na Judha, gumogo ni mune wangu Jowabhi, ni sithumi sa mune wangu vomo vbavbandze; eni nyi ngu yela gu bela nyumbani gwangu, nyi hodza ni gu sela, nyi lala ni mwangadzi wangu, gani? Nyi ngu sambanya avbo gwago khu hefemulo wago gukheni, gima kha nyi na nga gira nya nga isoso.

1 Dzipfhumu 8:16

Gukhugela litshigu lile nyi dusidego vathu vangu va na Israyeli, khu tigoni ga Egipito, gima kha nya nga hatha limbe lidhoropa vbakari nya mahundzu yatshavbo ya na Israyeli, gasi gu nyi vbahela umo nyumba yi na lumbago lina langu, aholu nyi di hatha Dhavhidhe, gasi gu fumela vathu vangu va na Israyeli.

Mithumo 7:44

“Vakokwe vathu, giwulani, vadiri ni tshatsha nya wukustumunyu, a gu tabherinakeli va nga bani va gu vega umo siwindri nya Nayo. Tabherinakeli yi di vbahidwe kha nga idzo a nga rumisago khidzo Wule a nga ganela ga Mosi a mu ruma gu yi gira kha nga gifananiso gile a nga gi wonago.

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Dhewuteronome 23:14

Kholu, Pfhumu Nungungulu wago, womo vbakari nya lizumbo gasi gu gu vhikela, ni gu ningela valala vago mandzani gwago; khu kharato, lizumbo lago gu vbwetega na li agide, gasi uye a si woni ndzilo avbo gwago, a dzi hambanisa nago.”

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

Gutuledwa 2:1

Lovela ngilozi nya libandla la Efeso, khuwe: “Wule a pharidego livbandre na dzimbili dzinyeledzi khu nyamudye; wule a vbindrago khu vbakari nya livbandre na dzimbili dzikandriya nya ndralama, wari, khuye:

Valamuli 20:27

Va na Israyeli va di wudzisa ga Pfhumu Nungungulu, kholu khu ga gikhati gyogyo ngasa nya gidzumeledzwano ya Nungungulu yi di gu khala Bheteli,