2 Samuweli 7:3 - Bhibhiliya Nya Guage

³ Natani a di embela mufumeli, khuye: “Indra u ya gira satshavbo u si pimisago khu monyoni gwago, kholu Pfhumu Nungungulu a na ni uwe!”

2 Samuweli 7:3 Iomraidhean Croise

2 Samuweli 7:4

Aholu, khu wutshigu wowo, lito la Pfhumu Nungungulu li dita ga muprofeti Natani, li ta, khilo:

1 Dzipfhumu 1:8

Aholu muphasi nya mhamba Sadhoki, ni Bhenaya mwamana wa Joyadha, ni muprofeti Natani, ni Simeyi, ni mufumeli, ni dzindrena dzi nga bani dziri ni Dhavhidhe, va diri mwalo gumogo ni Adhoniya.

2 Dzipfhumu 4:27

Avbo a nga vbohago gigomoni ga muthu wa Nungungulu a dita mu phara mawundru yaye. Geyazi a di hidzimela vbafuvbi gasi guta mu digisa, aholu muthu wa Nungungulu a di mu embela, khuye: “Mu dige, kholu hefemulo waye wu ngu garadzega, aholu Pfhumu Nungungulu a nyi sihede silo sesi, kha nyi tivisa gilo.”

1 Dzikoronika 22:7

Dhavhidhe a di embela mwanaye Solomoni, khuye: Mwanangu, nyi di suvide gu vbaha nyumba yi lumbago lina la Pfhumu Nungungulu wangu.

1 Dzikoronika 28:2

Mufumeli Dhavhidhe a di khuga a ema, a ganela, khuye: Vandriyangu ni enu vathu vangu, nyi yingiseni: Nyi di suvide gu vbaha nyumba nya gukhale umo Ngasa nya Gidzumeledzwano ya Pfhumu Nungungulu, ni gigandredzelo nya migondro ya Nungungulu wathu, eni nyi dongisede iso nya guvbahe khiso.

1 Dzikoronika 29:29

Mithumo yatshavbo ya Dhavhidhe nya guhegule niyo nya guhegise yi lovidwe umo nya libhuku nya matimo ya Samuweli, mutuguli nya misihalo yaye, ni umo nya libhuku nya matimo ya muprofeti Natane, ni umo nya matimo ya Gadhi, mutuguli nya misihalo;

2 Dzikoronika 29:25

A di emisa va na Levhi Nyumbani ga Pfhumu Nungungulu, na vari ni dzingoma ni sitendre ni dzimbila, kha nga guleletela ga Dhavhidhe ni Gadhi, muwoneleli wa mufumeli ni wa muprofeti Natani; kholu gileletelo gegi, gi dzude khu ga Pfhumu Nungungulu, khu magana ya vaprofeti vaye.

Dzindzimo 20:4

A na gu ninge esi monyo wago wu suvago, a tiyisa satshavbo u pimisago gu gira!

Dzindzimo 37:4

Vega ga Pfhumu Nungungulu gutsaka gwago, uye a na gu ninga gugola nya monyo wago.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.

1 Samuweli 10:7

Avbo u na dugedwago khu siwonegiso sesi, gira satshavbo si lombwago gu girwa khu gikhati gyogyo, kholu Nungungulu a na ni uwe.

1 Samuweli 14:7

Khavbo avbo, muphari nya matshari yaye, a di mu hakha, khuye: “Gira iso u si wonago na si gu godwa khu monyo wago; kheni oyu, nyi nago, iso u si pimisago nyi womo nago.”

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.